Cont zij allen lieden dat want jacop van raveschote zone/ wijlen jacops woenen(de) te wespelair int jair van lxxviii/ lestleden oft dair omtrint janne vand(en) hove nu t(er) tijt custe(r)/ te werchte(r) v(er)cochte een stuc lants houden(de) een boende(r) oft/ dair omtrint gelijc dat gelegen is op dnyeugoet onder/ arschot tusschen den goeden jans de keppe(re) en(de) den goede(n)/ goorts scrij(n)makers comen(de) mett(er) eenre zijden en(de) mette(n)/ eenen ynde aen tshe(re)n strate om eene zeke(re) so(m)me van/ pe(n)ni(n)gen dair mede de voirs(creven) p(ar)tien te vreden wa(r)en/ dair af de selve jan guedinge ende vastich(eit) ontfange(n) heeft/ voe(r) scepen(en) van arschot in welcker guedinge(n) de voirs(creven)/ jacop behouden ondersproken en(de) bevorwert hadde dat hij/ tselve goedt soude moegen quijten bynne(n) eene(n) zeke(re)n t(er)mijne/ van ja(r)en ald(us) genoempt Soe eest dat de voirs(creven) jacop/ voe(r) hem zijne(n) erve(n) ende nacomelingen gelooft heeft en(de)/ gelooft den voirs(creven) janne en(de) zijne(n) erve(n) en(de) nacomel(ingen) dat
//
hij van desen daghe voirt ne(m)m(er)meer en sal beghe(re)n de/ voirs(creven) goede te quijten(e) noch quijten en sal welcke quijti(n)ge/ de voirs(creven) jacop met des(en) brieve quijtschelt En(de)/ heeft voirts gelooft de voirs(creven) jacop dat hij de(n) selve(n)/ janne vand(en) hove noch zijne(n) erve(n) en(de) nacomelinge(n)/ dair af ne(m)m(er)meer aensprake doen en sal noch/ hem dair om vexe(re)n noch moeyen bij he(m) selve(n)/ noch yeman(de) anders in gheene(n) rechte gheestelijc/ noch weerlijc mair hier af jegen eene(n) yegelijcken/ inne staen en(de) gerecht warant zijn en(de) bliven tot/ ewigen daghen p(ro)ut cor(am) lyefkenrode tybe no(vem)[br(is)] xxiii