Alsoe als meest(er) adriaen tants priest(er) en(de) willem van leefdale/ alse p(ro)cur(eur)s der dist(ri)bucien vanden capellane(n) van sinte peet(er)s te/ loven(e) voir ghebreck van zeke(re)n erfrenten der selv(er) dist(ri)bucien gedaeght/ hadden met drie behoirlijke(n) ghenechten op een huys met sijnre/ toebehoirte(n) arnts wigg(er)s hoedemak(er)s ghelegen inde hoelstrate/ ende de voirs(creven) arnt opde vierde ghenechte van gr(ati)en de voirs(creven)/ goede pantberich ghemaect heeft setten(de) ald(aer) xvi rinssche/ gulden(en) te lx pl(a)c(ken) tstuck dewelke ghesedt wa(r)en bij bevele der/ scepen(en) opt voirs(creven) vierde genechte wesende in handen andries va(n)/ voshem vorst(er)s Beghe(re)nde de voirs(creven) arndt de selve sijn goede met/ rechte te verantw(er)den(e) en(de) te bescudden(e) nemende dair toe eene(n) zeke(re)n/ dach van rechte tot welken daghe willem van schoe(re) als p(ro)cur(eur)/ des vors(creven) arnds in rechte comp(ar)eerde willende de vors(creven) goede
//
v(er)antw(er)den en(de) want de voirs(creven) willem op heden sijn recht/ niet voort ghevolght oft versocht en heeft nocht in rechte/ ghecomp(ar)eert en es den voirs(creven) meest(er) adriane en(de) willem(me) als/ p(ro)cur(eur)s der voirs(creven) dist(ri)bucie(n) compare(re)nde en(de) voort trecht/ versuekende Soe hebben de scepen(en) van loven(e) t(er) manissen/ smeyers ghewijst voir een vo(n)nisse soe v(er)re de voirs(creven) arnd/ wigg(er) noch p(ro)cur(eur) van sijne(n) weghen niet en quame(n) ten/ opstane smeyers en(de) van hen scepen(en) dat dan de voirs(creven)/ p(ro)cur(eur)s der voirs(creven) dist(ri)bucie(n) huer ghebreck aen de vors(creven) pe(n)ni(n)ge/ en(de) and(er)ssins selen moghe(n) verhalen met coste en(de) co(m)me(r) dair/ op loepen(de) cor(am) boxho(r)en roelants liefkenrode hoeve(n) tybe tans/ octobr(is) ultima