It(em) peet(er) vanden poele in p(rese)nt(ia) heeft ghehuert en(de) bekent/ dat hij ghehuert heeft teghen janne melgiers gheheeten/ laukens thien dach(mael) beempts oft dair omtrent alsoe die/ gheleghen sijn inde lovene(re)nbeempde tusschen de dijle in/ deen zijde de goede jans van ee(re)mbeghem in dand(er) de/ goede des heylichs gheest en(de) de goede vand(er) banck bij lov(ene)/ inde derde zijde Te houden(e) en(de) te hebben(e) van halff meerte/ lest leden eenen t(er)mijn van neghen jairen langk/ due(re)nde deen nae dande(r) zond(er) myddel vervolghen(de) elcx/ jairs dae(re)n bynne(n) voe(r) en(de) o(m)me neghentiene rinssche/ gul(den) en(de) eene(n) halve(n) te lx pl(a)c(ken) tstuck alle jaire op/ sinte m(er)tens dach te betalen(e) den voirs(creven) janne den vors(creven)/ t(er)mijn du(r)ende quol(ibe)t ass(ecutu)[m] Met vurw(er)den dat de voirs(creven) jan/ de voirs(creven) goede bebevreden sal en(de) den wech bijde dijle houden/ op sijne(n) cost It(em) de voirs(creven) pet(er) en sal egheen recht hebben/ inde willighen ald(aer) staen(de) en(de) oft de voirs(creven) peet(er) op sinte/ m(er)tens daghe van jaire te jaire den voirs(creven) janne niet en/ betaelde van des voirs(creven) es dat in dien ghevalle de voirs(creven)/ jan de voirs(creven) sijn goede alsdan wed(er) o(m)me sal moghe(n) aen/ veerden behoud(elic) dat de voirs(creven) pet(er) hem schuld(ich) sal sijn/ alsdan betalinghe te doene vanden tijde dat hijt voirs(creven) goet/ beseten en(de) ghebruyct sal hebben En(de) alle dese vurw(er)den heeft/ gelooft de voirs(creven) pet(er) den vors(creven) ja(n)ne te voldoene (et)c(etera) cor(am) roelants/ hoeven no(vem)[br(is)] v[ta]