Want enghelbrecht vand(en) berghe uut crachte van scep(enen) brieve(n)/ van loven(en) voir sijn dueghdelijke ghebreke van twee rinssche guld(en)/ lijft(ocht) geleyt sijnde tot allen den goede(n) have en(de) erve denijs wijle(n)/ denijs gheheeten smet en(de) arnts wijlen bertrams wair die/ beleghen sijn Ende v(er)socht den meye(r) van oplynthe(r) oft sijne(n) stad(houder)/ den bring(er) van onsen versueckbr(ieven) te leve(re)n alle de vors(creven) goede ond(er)/ hem gelege(n) en(de) te bedwyngen(e) de voirs(creven) wed(uwe) en(de) erfgename(n) wijle(n)
//
denijs en(de) wijlen arnts en(de) oick allen ande(re)n hande d(air) aen/ slaende dat sij die lichten en(de) afdoen soude(n) Bij alsoe oft de/ selve weduwe en(de) erfgename(n) oft yemant and(er)s dair/ teghen yet hadden willen segghe(n) oft de scepen(en) br(ieven) invalide(re)n/ dat sij des come(n) wae(re)n alh(ier) int recht voir meye(r) en(de) scepen(en)/ tot eene(n) zeke(re)n daghe(n) van rechte hen beteekent tot op heden/ met rechte v(er)streken Ald(air) de voirg(enoemde) weduwe noch erfgename(n)/ noch nyema(n)t van hue(re)n weghe(n) gecomp(ar)eert en es den voirs(creven)/ enghelbrechte altijt comp(ar)erende en(de) voorts rechts versueken(de)/ soe wijsden de hee(re)n scepen(en) t(er) manissen smeyers voir een vo(n)nisse/ tyerst aenghehoirt tybout steenweeghs bode der stadt van loven(en)/ die clairde bij sijne(n) eede dat de meye(r) voirs(creven) dexecucie ged(aen) heeft/ nae inhoud(en) den versueckbrieve(n) en(de) p(ar)tije(n) dach bescheyd(en) Wair/ de wedep(ar)tije vand(en) voirs(creven) p(ar)tijen [geleydde(n)] ten opstane smeyers en(de) vand(en)/ scepen(en) niet en quame datmen den voirs(creven) gheleydden houden/ sal inde macht van sijne(n) beleydde voir sijn dueghdelijke schult/ voirs(creven) soe verre dat noch voir scepen(en) come(n) es cor(am) eisd(em)