Want jan abs gheheeten leysken gheleydt sijnde uut machte van/ scep(enen) brieve(n) van loven(en) voir sijn wettich gebreck van eend(er) crone(n)/ lijft(ocht) mette(n) acht(er)stellighe pachte(n) van drie jae(re)n en(de) viii maend(en)/ v(er)schene(n) tot allen den goeden have en(de) erve symoens wijlen/ rombouts wair die belegen sijn En(de) v(er)socht aen den meye(r) van/ aerschot te leveren(e) alle de voirs(creven) goede ond(er) hem gelegen en(de) te bedwingen(e)/ berbe(re)n rombouts docht(er) desselfs wijlen symoens andrese reynkens/ gheheeten v(er)sconen en(de) gorijse reynkens sijne(n) neve en(de) alle ande(re)/ hande d(air) aen slaen(de) die te lichten(e) en(de) af te doen(e) Bij alsoe oft de selve/ barbe(re) andries en(de) gorijs reynkens oft yema(n)t and(er)s dair teghe(n)
//
yet hadden willen segghe(n) oft allege(re)n oft de voirs(creven) scep(enen) brieve(n)/ invalide(re)n dat sij des come(n) wae(re)n tot eene(n) voirleden(en) daghe/ van rechte tot op hede(n) dienen(de) met rechte v(er)streken Ald(air) de/ voirs(creven) barbe(re) reyne(re) en(de) gorijs noch nyema(n)t van hue(re)n/ weghen ghecome(n) en sijn den voirs(creven) ja(n)ne abs altijt (com)p(ar)eren(de)/ en(de) voorts trecht v(er)sueken(de) Soe wijsden de he(re)n scep(enen) ter ma(n)issen/ smeyers voir een vo(n)nisse tyerst ghevisiteert tresc(ri)pt smeyers/ van aerschot die c(er)tificeerde ond(er) sijn hanteeke(n) dat hij/ dexecucie ged(aen) hadde en(de) p(ar)tien dach bescheyd(en) nae inhoud(en)/ den v(er)sueckbr(ieven) aen hem gesond(en) Dair de wed(er)p(ar)tije des vors(creven)/ jan abs niet en quame ten opstaen smeyers en(de) vand(en)/ scep(enen) datme(n) de hem dan houd(en) sal inde macht van/ sijne(n) beleyde alsoe v(er)re dat noch voir he(n) come(n) es eisd(em)