Want matheus ghiels geleydt zijnde als man en(de) momboir/ m(ar)griete(n) cobbelgiers zijnre huysvr(ouwe) uut machte va(n) scepen(en)/ brieve(n) van loeven(en) onder voe(r) zijn wettich gebreck va(n) xviii/ stuv(er)s lijftochten onder den ande(re)n tot allen den goeden beide/ have en(de) erve jans wijlen ghijsels wair die belege(n) zijn/ met joese peysman vorste(r) hadde doen bevelen den kynde(re)n/ svoirs(creven) wijlen jans hue(r) handen te lichten vand(en) selve(n) goede(n)/ Bij alsoe oft de selve kynde(re)n dair jegen yet hadden willen/ segge(n) oft allege(re)n oft de voirs(creven) scep(enen) brieve(n) invalide(re)n dat zij/ des op heden te loeven(en) come(n) wae(re)n rechts plege(n) inde banck/ voe(r) meye(r) en(de) scep(enen) van loeven(en) Ald(air) de voirs(creven) kynde(re)n niet come(n)/ en zijn noch ande(re) van hue(re)n wegen den voirs(creven) matheus comen(de)/ en(de) trecht voirts v(er)sueken(de) soe wijsden de he(re)n scep(enen) va(n) loeven(en)/ t(er) manissen smeyers voe(r) een vo(n)nis yerst aengehoirt den vors(creven)/ joos peysman vorste(r) die clairde bij zijne(n) eede dat hij den/ vors(creven) kynde(re)n bevolen hadde hue(r) hande te lichten vand(en) selve(n)/ goeden en(de) hen op heden dach van rechte besceide(n) Datme(n)/ den voirs(creven) geleydden vand(en) voirs(creven) goeden houden soude inde/ macht van zijne(n) beleyde alsoe v(er)re alst noch voe(r) scepen(en)/ come(n) is cor(am) eisd(em)