It(em) h(er)man van boeckhem die alh(ier) in des(er) stad gerasteert [is] ten v(er)sueke airts/ meys voe(r) gebreck van betalingen van zeke(re)n costen die hij den selve(n) h(er)ma(n)ne/ eysschen(de) is welcke costen de voirs(creven) h(er)man gedaen heeft ten huyse desselfs/ airts inder stad van dendremonde ten tijde dat de roomsch coni(n)ck gevange(n)/ was te brugghe Heeft gelooft de selve h(er)man den voirs(creven) airde bynne(n) vi oft/ vii weken naistcomen(de) ombegrepen bynne(n) viii dage(n) dair nae volgen(de)/ alh(ier) bynne(n) des(er) stad te comen(e) en(de) alsdan met hem te bringene bescheet/ den recht genoech zijnde Dat airt scheynck r(en)tmeest(er) den voirs(creven) airde/ meys van des voirs(creven) is te vreden gestelt heeft en(de) dat de selve airt/ meys mette(n) voirs(creven) airde scheynck alsdoen te vreden was en(de) dat bescheet/ gebracht hebben sal de voirg(enoemde) h(er)man vand(er) voirs(creven) hachten ontslagen/ zijn cor(am) lyefkenrode hoeven julii xxi