Want jacop van hoelair briede(r) geleydt sijnde nae de hoeghe/ heerlich(eit) ons gened(ichs) hee(re)n srooms coni(n)cx en(de) den rechte/ dese sijnder stad van loeven(en) voer sijn dueghdelike gebreke/ van hondert rijns guld(en) eens tot allen den goeden beyde/ have en(de) erve onder den ande(re)n wout(er)s wijlen svorsters/ waer die belegen sijn Gescreve(n) es gheweest aen den meye(r)/ va(n) halen oft sijne(n) stadhoude(r) ende v(er)socht te bedwingen(e)/ de erfgename(n) desselfs wijlen wout(er)s hande te lichten(e)/ vanden voirs(creven) goeden ende die te leveren(e) den voirs(creven) geleydd(en)/ Ende oft de voirs(creven) erfgename(n) oft yema(n)t anders daer/ teghen yet hadden willen segghen oft allige(re)n oft/ de voirs(creven) scepen(en) brieve(n) willen invalidere(n) dat sij des/ come(n) w ae(re)n tot eene(n) verstreken(en) daghe voerleden op/ heden met rechte dienen(de) Aldaer de voirs(creven) erfgena/ men noch nyema(n)t va(n) hue(re)n weghen comen en sijn/ willem(me) van leefdale als p(ro)cur(eur) des voirs(creven) jacops/ altijt co(m)pareren(de) en(de) voerts recht versueken(de) soe/ wijsden de hee(re)n scepen(en) van loeven(en) t(er) manissen/ smeyers voer een vo(n)nisse tyerst aengehoert ghevisiteert/ tresc(ri)pt smeyers van halen die c(er)tificeerde onder sijn/ hanteeken dat hij dexecutie gedaen hadde en(de) p(ar)tien/ dach besceydden datmen dan nae inhout den voirs(creven)/ versueckbrieve(n) Soe verre de voirs(creven) wed(er)p(ar)tije/ vande(n) voirs(creven) geleydde(n) niet en quame ten opstaene/ smeyers en(de) van hun scepen(en) datme(n) den selven/ geleydden houden sal inde macht van sijne(n) beleyde/ alsoe v(er)re alst voer scepen(en) comen es cor(am) duffle/ lyefkenrode butselle vincke junii xiiii