Nae dien dat comen sijn voir den raide vander stad/ goort machiels ty(m)m(er)man in deen zijde ende de oude/ ghesworen(en) vand(en) ty(m)m(er)liede ambachte in dand(er) Ald(air) de/ voirs(creven) goort seyde dat hij voir kersmisse lestleden vand(en)/ voirs(creven) gesworen(en) bedwonghe(n) was int ambacht voirs(creven) te/ comen(e) Dwelck hij acht(er)volghde en(de) sijn ambacht ghelt/ ond(er) scepen(en) sette alsulke(n) gelt als ten tijde als hij int/ ambacht quam cours en(de) loop hadde te weten(e) eene(n) gul(den)/ rijd(er) en(de) eene(n) gul(den) ducaet tstuck voir iiii r(ijns) gul(den) iiii st(uvers)/ o(m)me tselve sijn ambacht ghelt d(air) mede te betalen(e) Dair/ op de voirs(creven) ghesworen(en) seyde(n) dat sij hoopten dat de vorg(enoemde) goort met alsulke(n) cleyne(n) ghelde niet gestaen en soude/ m(air) p(re)tendeerde(n) dat hij swaer mu(n)te nae dambacht recht/ schuld(ich) wae(re) te gheven(e) Soe es get(er)mineert dat de voirs(creven)/ goort machiels mette(n) voirs(creven) gelde gestaen sal want/ hijt in tijts gesedt heeft te weten(e) xix daghe in janu(a)ri[o]/ lestleden Act(um) cor(am) absol(oens) hove burg(imagistris) et aliis de (con)silio/ aug(usti) xvi