Item midts desen sijn de voers(creven) anthonijs voe(r) hem zijne(n) erve(n)/ ende nacomelingen ter eenre en(de) henricus hanckairt ende/ gerardus de thymo voe(r) hem en(de) hue(re)n nacomelingen ter
//
ande(r) zijden v(er)accordeert en(de) eenswordden zijn vand(en) weghe oft/ doergange den welcken de selve anthonijs van uuyt sijne(n)/ voers(creven) woenhuyse inde scepstrate gehadt heeft achter uuyt inde/ scrijnstrate naest ende lancx den voers(creven) huyse inde scrijnstrate/ gelegen dwelck hij gelijck hij voe(r) den voers(creven) gerardo voer/ maels gegoedt en(de) terffchijse uutgegeve(n) heeft der erff/ vorweerden en(de) conditien naebescreve(n) die de selve p(ar)tijen/ p(ro) se et earu(m) successoribus malcande(re)n gelooft hebben o(n)verbre/ kelijck tonderhouden(e) ende te voldoene Inden yersten dat/ de selve anthonijs den selve(n) sijne(n) wech opt uterste ynde/ vanden hove van zijne(n) woenhuyse voers(creven) afsluyten sal/ tusschen den muer van zijne(n) hove en(de) den muer vand(en)/ hove jans van thyenen alsoe dat nyema(n)t dan anthonijs/ en(de) sijne(n) nacomelingen possesseers van sijne(n) huyse voers(creven)/ tot daer toe sacht noch recht hebben en zullen ter erve(n)/ weert ane desselffs anthonijs Ende dat van dien afsluyten/ voerts ter scrijnstrate weert ane den selve(n) ganck inder selver/ wijdden gelijck dien geweest heeft tot inde scrijnstrate voerts/ uutgeleydt sal wordden met eene(n) wynckel hake lancx/ der erven jans van thyenen en(de) soe voerts aen ... lancx/ der erven jans van aeps gelaesmakers ende thuys m(ar)grieten/ sgruyters ter scrijnstraten weert uuyt welken wynckelhaeck/ alsoe geleyt sal wordden inden state vanden rechten weghe/ die anthonijs lancx tvoers(creven) huys des voers(creven) gerardi inde/ scrijnstrate gelegen gehadt heeft Ende dat dien wech/ vanden voers(creven) afsluyten tot inde scrijnstrate voers(creven) beyden/ voers(creven) p(ar)tijen voers(creven) tot ewighen daghen gemeyn sijn/ en(de) gelijck toebeho(r)en sal Ende dat de voers(creven) henricus ende/ gerardus o(m)me tot dien ganghe te comen(e) en(de) den selve(n)/ te gebruycken(e) sullen moeghen maken een dore inden/ muer staende aen hue(re)n hoff van hue(re)n huyse inde scrijn/ strate Ende dat den voers(creven) ganck bijden voers(creven) henrico
//
ende gerardu(m) gemaect sal wordden voe(r) ter straten aen thuys/ der voers(creven) m(ar)griete(n) sgruyt(er)s een poerte oft dore alsoe wijt als/ des voirs(creven) anthonijs poerte van sijne(n) yersten uutga(n)ge geweest/ heeft Is voert bevorw(er)t dat oick gheen vand(en) voers(creven) p(ar)tijen/ inden voers(creven) gemeyne(n) ganck vander eender zijden noch/ vander ande(re)n niet en sullen moeghen leggen doen oft/ laeten geschien e(n)nighe o(n)reynicheyt oft vuylnisse noch oick/ den selve(n) ganck beco(m)me(re)n alsoe dat eghen(en) vanden selve(n)/ p(ar)tijen daer by gheen hynder acht(er)deel oft belet en hebbe/ It(em) is oick bevorw(er)t dat dwater des voers(creven) anthonijs comen(de)/ van zijnder erven voers(creven) ende dwelck sijne(n) affloop gehadt/ heeft doer den rechten ganck ter scrijnstraten uuyt voert/ aene geleydt sal wordden en(de) sijne(n) affloep hebben doer den/ selve(n) rechten ganck daer dat sijne(n) loop gehadt heeft/ op dat henricus en(de) gerardus dat niet en consten ge/ rieffelijck geleyden doer den voers(creven) nyeuwen muer ganck/ dwelck zij alsoe sullen moeghen doen op dat moeghelijc/ zij Coram eisd(em)