Want ten v(er)volghe denijs melgiers geheeten laukens/ die inden name van hem selven en(de) als p(ro)cur(eur) en(de) voirgange(re)/ pet(er)s vanden zande jouffr(ouwe) lijsbetten vander heyden zijnre huysvr(ouwe)/ en(de) vrancx willemair als naiste erfgenamen vrancx/ wijlen willemair geleydt zijnde uut machte van scepen(en)/ brieven van loeven(e) voe(r) hue(r) wettighe gebreken vander/ geluften van genoechdoen en(de) wairscape vand(en) wynhove/ geheeten tolmair metten wynnen(de) landen beempden bosschen/ en(de) wouwe(re)n en(de) allen den toebeh(oirten) h(ier) nae volgen(de) v(er)onderpant voe(r)/ x gouden croenen der mu(n)ten sconi(n)cx van vranckrijcke goet van/ goude en(de) zwair van gewichte oft de weerde dair af in ande(re)n goede(n)/ gouden(en) ghelde erflijcker rinten vallen(de) jairl(ijcx) half x octobr(is) en(de) half/ x ap(ri)lis en(de) half ind(er) stad wissel van loeven(e) te leve(re)n erf(elijck) in nacomen(de)/ tijden en(de) oick voe(r) hue(r) wettich gebreck vand(er) betalingen der voirs(creven)/ erfrinten comen en(de) geleydt is tot allen den goeden beide have/ en(de) erve lambrechts wijlen van wynghe jouffr(ouwe) ka(tlij)[nen] wijlen van/ dormale zijnre huysvr(ouwe) wout(er)s wijlen van wynghe huers zoons/ henr(icx) wijlen van redinghen en(de) anthoenijs wijlen va(n) redingen/ zijns zoons wair die belegen zijn gescr(even) is geweest aen den meye(re)/ van halen oft zijnen stadhoude(re) te wynghe en(de) v(er)socht den bring(er)/ vand(en) selven brieven gezwoiren bode des(er) stad van loeven(e) te leve(re)n alle/ de voirs(creven) goede en(de) te bedwingen(e) behoirlijck gheerde speelmans/ jouffr(ouwe) marien h(er)meys zijnre huysvr(ouwe) wed(uw)[e] des voirs(creven) anthoenijs/ wijlen van redinghen de eerweerdighe vrouwe abdisse in gode/ abdisse en(de) co(n)vent des goidshuys van lynthe(r) jouffr(ouwe) yde en(de)/ gertruyt van redinghen gesuste(re)n no(n)nen p(ro)fessen desselfs goidsh(uys)/ kynde(re)n der voirs(creven) jouffr(ouwe) marien h(er)meys en(de) wijlen anth(oenijs) van/ redinghen gehuysschen [den procur(eur) des voirs(creven) goidshuys] en(de) janne van schoelant den wynne en(de)/ oick alle ande(re) handen dair aen slaen(de) die te lichten en(de) af te/ doene bij alsoe oft de voirs(creven) wederp(ar)tien oft yemant and(er)s/ tegen tgebreck van wairscape vand(en) v(er)swegenen x gulden/ rijd(er)s erflijck op enige der selver goeden v(er)pant aen he(re)n/ janne pieders p(rie)ste(r) v(er)obligeert yet hadden willen segge(n) oft/ de voirs(creven) scepen(en) brieven invalide(re)n dat zij des op heden te/ loeven(e) comen wa(r)en rechts plegen Aldair nyemant comen en/ is dan de voirs(creven) gheert speelmans hem in rechte oppone(re)nde en(de)/ te rechte p(rese)nte(re)nde den voirs(creven) geleydden comp(ar)e(re)nde en(de) trecht/ voirts ov(er) dande(re) v(er)sueken(de) soe wijsden de hee(re)n scep(enen) van loeven(e)
//
t(er) manissen smeyers voe(r) een vo(n)nis ierst aengehoirt boudewijn bellens des(er)/ stad gezwoiren(e) bode die clairde bij zijnen eede dat de meye(r) va(n) halen/ dexecucien van ons(er) v(er)sueckbr(ieve) onder hem geseten der wederp(ar)tien onder/ hem geseten gedaen hadde en(de) dach van rechte besceiden en(de) voirts/ dat hij met br(ieve) der voirs(creven) stad gesonden aen de vr(ouwe) abdisse co(n)vente/ en(de) jouffr(ouwe) van redinge(n) p(ro)fessen de conde en(de) dach va(n) rechte besceiden/ hadde datmen den voirs(creven) geleydden vand(en) voirs(creven) goeden houden soude/ inde macht van zijne(n) beleyde zoe v(er)re dat noch voe(r) scep(enen) come(n) is/ den voirs(creven) gheerde speelmans en(de) zijnre huysvr(ouwe) in desen onv(er)ledt/ blijven(de) cor(am) h(er)meys hoeven buetsselle boechout ap(ri)lis xxiii