Want ten v(er)volghe andries van ha(m)me en(de) andries/ vander hulst die nae de hoeghe heerlich(eit) ons gened(ichs)/ he(re)n eertsh(er)toghen ph(ilip)s en(de) den rechte des(er) zijnre stad van/ loeven(e) uut machte van scepen(en) brieven van loeven(e) voe(r)/ huer(er) beider wettig(er) gebreken van drie sacken rocx erflijcken/ pacht pag(abilis) cu(m) vanno der maten van mechlen te/ weten(e) xviii mol(evate) der selv(er) maten voe(r) elcken sack ge(re)kent/ alle ja(r)e tsint andriesmisse ap(oste)ls te betalen(e) en(de) te loeven(e)/ te bruesselle oft te mechlen te leve(re)n erflijck in nacomen(de)/ tijden en(de) oick voe(r) hue(re)r beider wettig(er) gebreken va(n) xxxvi/ rijns gul(den) en(de) xviii te xx stuv(er)s den rijns gul(den) acht sacken/ rocx eens der voirs(creven) maten pag(abilis) en(de) oick voe(r) zeke(re)/ geluften van ande(re) goede panden voe(r) den voirs(creven) erfpacht/ te stellen zoe v(er)re de p(ri)ncipael panden vand(en) voirs(creven)/ drie sacken rocx erfspachts niet goetgenoech bevonden/ en wordden tot allen den goeden beide have en(de) erve pet(er)s/ van puersselle en(de) barbe(re) van lare zijnre huysvr(ouwe) wair/ die belegen zijn gescr(even) is geweest aen allen officie(re)n en(de)/ v(er)socht den bring(er) vand(en) selven brieven des(er) stad gezwore(n)/ bode te leve(re)n alle de voirs(creven) goede en(de) te bedwingen(e) den/ voirs(creven) pete(re)n van puersselle zijnre huysvr(ouwe) en(de) alle ande(re)/ handen dair aen slaen(de) die te lichten en(de) af te doene bij/ alsoe oft de voirs(creven) wederp(ar)tien oft yemant and(er)s dair/ jegen yet hadden willen seggen oft de voirs(creven) scep(enen) brieve(n)/ invalide(re)n dat zij des op heden te loeven(e) comen wa(r)en/ rechts plegen Aldair de voirs(creven) wederp(ar)tien niet come(n)/ en zijn noch ande(re) van hue(re)n den voirs(creven) twee geleydden/ comp(ar)e(re)nde en(de) trecht voirts v(er)sueken(de) soe wijsden/ de he(re)n scepen(en) van loeven(e) t(er) manissen smeyers voe(r)/ een vo(n)nis yerst gem aengehoirt janne smeets/ gezworen bode des(er) stad van loeven(e) die clairde bij zijne(n)/ eede dat de meye(re) van humelghem en(de) de vorst(er)s van/ steynhockezeele dexecucie vand(en) voirs(creven) v(er)sueckbr(ief) gedaen hadden/ en(de) p(ar)tien dach van rechte besceiden bij alsoe de wederp(ar)tien/ vand(en) geleydden niet en quame(n) ten opstaene van meye(re) en(de)/ scep(enen) datme(n) den voirs(creven) geleydden vand(en) voirs(creven) goeden houden soude/ inde macht van hue(re)n beleyde zoe v(er)re dat noch voe(r) scepen(en)/ comen is cor(am) h(er)meys tymple hoeven buetsselle boechout ja(nua)[rii] xxiii