Want thomaes de lamier geheeten lauwers/ als p(ro)cur(eur) en(de) voirgange(r) wouters ymbrechts scrij(n)makers/ en(de) lijsbetten mag(er)mans zijnder huysvr(ouwe) geleydt zijnde/ uut machte van scepen(en) brieven van loeven(e) voe(r)/ hue(r) wettich gebreck vand(er) geluften van ontheffen/ van eenen gul(den) pe(n)ni(n)ck geheeten pet(er) erf(elijck) den/ ambachte vand(en) bried(er)s in des(er) stad van loeven(e) toebeh(oirende)/ tot eenen huyse en(de) hove met allen zijne(n) toebehoirten/ gelijck deiselve goede gelegen zijn inde dorpstrate/ buyten de bynnen porte toebeho(r)ende he(re)n janne heyms/ prieste(r) voe(r) de vastich(eit) vander voirs(creven) geluften van/ ontheffen met [vacat] en(de) met
//
eenen bedel den selven he(re)n janne heyms hadde/ doen bevelen zijn handen te lichten vand(en) voirs(creven)/ goeden en(de) hem alsoe dach van rechte doen/ besceiden opten xxiii dach van januario lestled(en)/ zoe verre de selve h(er) jan heyms de voirg(eruerde)/ zijn goeden soude p(re)tende(re)n te v(er)antwordden tot/ welcken daghe de selve h(er) jan heyms in p(er)soene/ comp(ar)e(re)nde en(de) de aensprake desselfs geleydden/ gedaen zijnde en(de) die gehoirt hebbende de/ voirs(creven) her jan heyms dair op dede seggen dat/ hij begheerde te hebben dach van verantwordden/ eenen t(er)mijn van acht daghen dair nae v(er)volgen(de)/ gelijck tregist(er) vander voirs(creven) daet volcomelijcken/ begrijpt Tot welcken daghe noch tot opten dach/ van heden de voirs(creven) h(er) jan heyms niet comen/ en is noch ande(re) van zijnen weghen den voirg(enoemde)/ geleydden comp(ar)e(re)nde en(de) trecht voirts v(er)suekende/ soe wijsden de he(re)n scepen(en) van loeven(e) t(er) manissen/ smeyers voe(r) een vo(n)nis tyerst gevisiteert tvoirs(creven)/ regist(er) vand(er) daet januarii xxiii lestleden dair/ inne men clairlijck bevonden heeft dat de voirs(creven)/ h(er) jan heyms den voirs(creven) dach van v(er)antwordden/ bynnen viii dagen v(er)volgen(de) genomen heeft zoe/ verre de weder p(ar)tie vand(en) geleydden niet en/ quame ten opstaene van meye(r) en(de) scep(enen) datmen/ den voirs(creven) geleydden vand(en) voirs(creven) goeden houden/ soude inde macht van zijnen beleyde zoe v(er)re/ dat noch voe(r) scep(enen) comen is cor(am) tymple buetsselle/ boechout baets marcii secunda