Nae dien joes van cav(er)son bontwercke(r) voe(r) sijn wettich gebreck/ van elff rynssche gulden(en) en(de) vijff stuv(er)s eens de welke willem/ van aken woenen(de) tot aken den selven joesen schuldich is na des(er)/ stadt recht hadde doen arrastee(re)n met drie behoerlijcke rasta(men)[ten]/ zeke(re) pe(n)ni(n)gen staen(de) in handen lodewijcx baets scepen(e) deser stad/ van loeven(e) en(de) in handen andries zedele(re) welke pe(n)ni(n)gen de voers(creven)/ lodewijck baets ende andries zedele(re) tot behoeff des voers(creven) willems/ van aken onderhadden met fr janne beerains vorste(r) ons genad(ichs)/ hee(re)n in deser stadt van loeven(e) hadde doen arreste(re)n ende dien/ navolgen(de) int recht gecompareert inde banck voe(r) meye(re) en(de)/ scepen(en) van loeven(e) opden dach van heden Aldaer de voers(creven)/ willem van aken noch nyema(n)t van sijne(n) weghen comen en/ is den voers(creven) den voers(creven) joesen compare(re)nde ende trecht versueken(de)/ opde voers(creven) pe(n)ni(n)gen om sijn gebreken daeraen te v(er)halen(e) met/ cost en(de) co(m)me(r) van rechte Soe hebben die hee(re)n scepen(en) van loeven(e)/ ter manissen smeyers voe(r) een vo(n)nisse yerst aengehoert den/ voers(creven) vorste(r) die claerde bij zijne(n) eede dat hij die voers(creven) drie/ behoerlijcken rastame(n)ten gedaen hadde dat de voers(creven) joes hant/ op heylighen leggen sal en(de) v(er)cla(r)en zijn schult hoe vele hij/ aen de voers(creven) gerasteerde pe(n)ni(n)gen in gebreke was van betalen(e)/ Nae den welcken de voers(creven) joes sijne(n) behoerlijcken eedt gedaen/ heeft ende bijden selven eede geclaert dat hij aen die voers(creven)/ gearresteerde pe(n)ni(n)gen in gebreke was van betalingen de/ voers(creven) so(m)me van elff rynsschegulden(en) en(de) vijff stuv(er)s eens sonder/ cost en(de) co(m)me(r) Voerts gemaent hebben de selve he(re)n scepen(en)/ gewijst dat de voers(creven) joes de voers(creven) pe(n)ni(n)gen execute(re)n sal/ nae recht schiet daer yet ov(er) dat hij dat sal restitue(re)n en(de)/ gebrecht daer yet dat hij dat met rechte sal moeghen v(er)halen/ cor(am) h(er)meys hoeven buetselle boechout aprilis xxii