Nae dien margriete van meldert bedelersse comen is bijden/ raide vander stadt opdoen(de) en(de) te kynne(n) gheven(de) hoe dat alijt van meldert huer suster tande(re)n tijden nae staet der/ heyligher kercken getrouwt hadde gehadt eene(n) geheeten jan/ vanden male daeraff h(er) andries ende gertruydt wijlen/ vanden male kinde(re)n wa(r)en ende alwaert soe dat de/ selve huer suster sculdich was die haeffelijcke goede te/ gebruycken(e) die nae die doot huers mans haer v(er)storve(n)/ wa(r)en oick die vlieghen(d)erve soe dat die weduwe vander/ suster des voers(creven) h(er) andries (e)n(de) de selve h(er) andries haer/ daer innen ongebruyck die comen(de) aldaer bescrive(n) de selve/ have vlieghen(d)erve daer zij niet inne gericht en wa(r)en/ ten wa(r)e dat zij bewijsen consten dat daer e(n)nighe vlie/ ghen(d)erve was die hen vader bij hue(re)r moeder beseten/ hadden want zijse bijden vader v(er)creghen hadde ende/ huer toebehoerde Daerop h(er) andries dede seggen dat margrietens/ suster luttel oft niet en hadde(n) doen zij hue(re)n vader troude/ want zij langhe te vo(r)en bij hue(re)n vader geseten hadde(n)/ en(de) dat merckelijcken was dat die vlieghen(d)erve bynne(n)/ hue(re)n huyse sijnde en(de) tot dien twee bedden die zij uuyt
//
gevlucht hadde te herent oft daer dat haer belieffde/ schuldich soude sijn inne te bringhen om hen die te/ volghen want zijse hadden moeghen aenveerden ter/ stont nae der doot vanden vader die voirs(creven) margriete/ van weghen hue(re)r suster daerop repliceerde seggen(de)/ dat zij wel te vreden was hen te laeten volghen allen/ tghene des zij als vo(r)e bewijsen conste dat hen vader/ bij hue(re)r moeder beseten hadde (et)c(etera) die kinde(re)n daerop/ duplice(re)nde sustineerden dat zij niet sculdich en wa(r)en/ tselve te bewijsen(e) maer dat zij selve sculdich wa(r)en/ te laeten blijcken dwelck bij huer v(er)creghen wa(r)e/ Ende soe werdde uutgesproken en(de) get(er)mineert dat ma/ grietens suster sculdich soude zijn die bedden e(nde) vliegen(de)/ erve te doen bringhen bynne(n) hue(re)n suster huyse alsoe/ v(er)re als daer e(n)nighe uuyt waren ende de voers(creven) huer/ wederp(ar)tije soude schuldich zijn te laeten blijcken(e) wes/ hen vader en(de) moeder tsamen beseten hadden om dat/ geweten voerts daer inne gedaen te wordden(e) soe behor(e)n/ soude Act(um) in (con)silio cor(am) berghe baets burgim(a)g(ist)ris schoe(n)vorst/ abs(oloens) scab(inis) et plu(r)ibus aliis de consilio julii p(ri)ma