Cont zij allen lieden dat mychiel cols zone/ wijlen henricx woenen(de) te geneppe bij namen/ als een vanden erfgenamen gielijs wijlen gielijs/ geheeten vand(er) rode inde name van hem selve(n)/ ende van weghen der ande(r) erfgenamen des/ voirs(creven) gielijs wijlen gielijs nu absent zijnde/ die hij in desen gelooft heeft te v(er)vanghen/ In jegenwoirdicheiden der scepen(en) van loeven(e)/ gestaen heeft gelooft voe(r) hem zijnen erven/ en(de) nacomelinghen yweyne stevens en(de) zijnen/ erfgenamen als van alle alsulken v(er)coope der goeden/ desselfs gielijs wijlen gielijs als de voirs(creven) yweyn stevens/ uut machte van zijnen beleyde v(er)cocht heeft tot/ ewigen dagen aen eene(n)yegelijcken costeloos en(de) scadeloos/ te houden en(de) tontheffen en(de) den selve(n) yweyne zijne(n) erfg(enamen)/ noch coop(er)s der selv(er) goeden uut zake(n) van desen van nu voirtaen/ ne(m)m(er)meer te vexe(re)n te quellen noch te moeyen bij hem selve(n) noch/ bij (et)c(etera) Mair den selve(n) yweyne zijne(n) erfg(enamen) en(de) coop(er)s dair af geheel(ijck)/ quijtschelden(de) en(de) ontlasten(de) en(de) h(ier) af eene(n)yegel(ijcken) inne te staene/ en(de) gerecht warant te zijne p(ro)ut cor(am) zedele(re) hubrechts junii viii