It(em) jan maes en(de) wout(er) thoenijs ind(en) name van/ hem selven en(de) van weghen der ingeseten(en) van/ meere t(er) eenre en(de) henrick druys en(de) pauwels/ van hasenberghe als dorpmeesters va(n) goitssenhove(n)
//
is geordineert dat de zelve dorpmeesters die/ van goitssenhoven is geordineert te kynnen/ geven souden en(de) adverteren vand(en) eyssche dien/ van mee(re) aengaen(de) der betalinge(n) vanden/ brantschatte die de selve van mee(re) eysschen(de)/ zijn die van godsenhove(n) aengesien dat/ die van mee(re) (con)tribue(re)n in alle(n) brantscattinge(n)/ en(de) lasten met die va(n) gotsenhoven en(de) dat/ die selve va(n) gotssenhove(n) en(de) va(n) mee(re) bynne(n)/ xiiii nachte(n) naestcomen(de) met malcande(re)n in/ desen co(mun)ice(re)n en(de) ov(er)come(n) op dat zij connen/ en(de) moegelijck es En(de) oft zij bynne(n) dese(n)/ tijde niet v(er)accorde(re)n en connen dat in/ dien gevalle de selve p(ar)tije(n) alsda(n) comen/ voe(r) den raide van deser stadt sonder bescrive(n)/ van heden in xiiii nachte(n) naestcomen(de) te/ mistijde om in desen bijden selve(n) raide/ beslicht te wordde(n) Act(um) in (con)silio octobris/ xxii ip(so) die vener(is)