Condt zij allen lieden dat vranck bollairt/ cleermake(r) in p(resen)tia heeft verhuert en(de) bekent/ verhuert te hebben(e) janne van hove cleed(er)make(r)/ een huys metten backhuyse scailgie ende allen/ den toebehoorte(n) gelijck de voirs(creven) goede gelegen/ zijn inde dorpstrate tussce(n) de goede henricx/ vander wyen ter eende(re) en(de) den goede(n) matheus/ aba vettewariers ter ande(r) zijden te houde(n)/ te hebben en(de) te besitten va(n) kersmisse naestcomen(de)/ eene(n) t(er)mijn va(n) zesse ja(r)en lang due(re)nde deen/ nae dand(er) sonder middel volgen(de) Elcx jaers/ dae(re)nbynne(n) voe(r) en(de) o(m)me tweelff en(de) eenen/ halven rinsgulden(en) te twintich stuv(er)s den/ rinsg(ulden) alle ja(r)e te kersmisse te betalen(e) den/ voirs(creven) vrancken bollairt jaerlijcx den voirs(creven)/ t(er)mijn lang due(re)nde quol(ibe)t ass(ecutu)[m] Ende want/ de voirs(creven) jan va(n) hove verleet heeft tweelf/ rinsgulden(en) voe(r) de reparatie vand(en) voirs(creven) huyse/ soe es voerweerde dat de voirs(creven) vrancke/ die tweelf rinsgulden(en) cortten sal aen(de) voirs(creven)/ hueringe en(de) aen den iersten t(er)mijn ende/ des sal de voirs(creven) vrancke alle de chijze(n)/ uuten voirs(creven) goede(n) gaen(de) jaerlijcx betalen/ ten behoorlijcken tijden sonder last des/ voirs(creven) jans van hove alsoe dat de voirs(creven)/ jan van hove daer bij niet bescadicht en/ wordde en(de) als vand(en) tijde dat de voirs(creven) jan/ van hove en(de) zijn huysvr(ouwe) inde voirs(creven) goede/ gewoent hebben en(de) noch woene(n) zulle(n) tot/ kersmisse naestcomen(de) heeft de voirs(creven) vrancke/ bekent daer aff voldaen te zijne En(de) ten/ ynde vand(en) voirs(creven) t(er)mijne sal de voirs(creven) jan/ van hove de selve goede moegen blijven/ houden(e) in hueringe(n) voe(r) den selven prijs/ dat een ande(r) daer voe(r) soude wille(n) geven/ Ende alle dese voerweerd(en) conditie(n) en(de)/ gelufte(n) in for(ma) cor(am) zedele(re) hoeve(n) nove(m)bris/ xviii