Sijn voorts gebleven en(de) gevallen der voirs(creven)/ dorotheen in huer(er) deylinghen de goeden en(de)/ erfrente h(ier) nae bescreven Inden ierste(n) tgrootste/ huys vand(en) twee huyse(n) gelegen inde p(ar)ckstrate/ aend(en) quadenpoel tusscen de goede der weduwe(n)/ vand(en) bossche ter eende(re) en(de) magriete oems ter/ ande(r) zijd(en) strecken(de) achterweerts totte(n) goeden/ peet(er)s willems opden co(m)mer en(de) last/ daer uutgaen(de) te weten(e) twee stuv(er)s een oert/ aen tgroot beghijnhof te loeven(e) xii stuv(er)s/ aenden grooten heiligeng(eest) van loeven(e) twee/ pl(a)c(ken) een mijte en(de) twee stuv(er)s aen(de) kercke va(n)
//
sinte machiels te loeven(e) al erflijck chijs ten behoorl(ijcken)/ tijden te betalen(e) voe(r) welcken erfchijs dande(r) cleyn/ huys daer naet gelegen v(er)onderpant is en(de) van/ welcken chijze tselve groot huys schuld(ich) sal zijn/ tcleyn huys tewegen dagen costeloos en(de) scadeloos/ tontheffen(e) Item zijn der selv(er) dorothee(n) voorts/ gevallen de drie stuv(er)s erflijck vand(en) voirs(creven)/ zesse stuv(er)s erflijck aen en(de) op tvoirs(creven) stuck lants/ den voirs(creven) godshuyse van vlierbeke in deylinge(n)/ gebleve(n) gelegen als vo(r)e Hanc q(uo)q(ue) p(ro)mis(erun)[t] rat(am)/ eisd(em)