Nae dien ph(ilip)s pynnock lieuten(ant) smeyers va(n) loeven(e)/ inden naem en(de) va(n) wegen der hoog(er) heerlijch(ei)t/(et)c(etera) met hem adju(n)geren(de) de hee(re)n van thielen/ inde banck voe(r) meye(re) en(de) scepen(en) va(n) loeven(e) aensprack/ janne de cuype(re) poerte(r) deser stadt die gevange(n)/ was geweest tot thielen en(de) hadde doe(n) impetre(re)n/ zeke(r) ontslach brieve(n) va(n) deser stadt hem alsoe/ opde vrijheit van zijnd(er) poerterie(n) uutscriven(de)/ seggen(de) hoe de voirs(creven) jan de cuype(re) come(n) es bij/ nachte en(de) ontijde met eender sleypend(er) pijcken/ ten huyse henricx vanden opstalle cloppen(de)/ aldaer voer vrient zoe dat hij als vrient inne/ gelaten werdde en(de) in gelate(n) zijnde begeerde/ de voirs(creven) jan een kanne biers die welcke hem/ gehaelt en(de) getapt werdde en(de) de kanne in/ zijne handen hebben(de) zoe heeft hij die int vier/ geworpen en(de) desgelijcx oick die stoele(n) zoe/ daer mede tvier tot allen canten uutvloech/ en(de) thuys in grooter sorgen was van te/ ontsteken(e) en(de) dit aldus ziende de huysvr(ouwe)/ des voirs(creven) henricx zoe hadde zij gh(er)ne den voirs(creven)/ janne met goeder manie(re)n uut hue(re)n huyse/ gecregen dwelck hij niet doen en wilde maer/ turbbelde alsoe tegen des voirs(creven) henricx huysvr(ouwen)/ dat zij ten ynde vand(en) selve(n) janne gequetst/ wordde met eend(er) quetsu(r)en daer met zij/ verleemt es in hue(re)n arm oft bove(n) huer hant/ seggen(de) dat dit alleenlijck geboerde bijden/ voirs(creven) janne en(de) bij nyeman(de) anders want/ daer doentertijt nyema(n)t en was die hem/ daer strijtechtich maecte en(de) voorts alsoe/ vollijcke(n) als des voirs(creven) henricx huysvr(ouwe) sach/ dat zij vand(en) voirs(creven) janne aldus gequetst/ was seyde zij tot janne voirs(creven) hem uute(n)/ huyse zijnde ziet jan hoe deerlijcke(n) dat/ ghij my gequetst hebt ghij en dorves/ niet loegene(n) ick thoent u in p(rese)ntie(n) va(n)/ desen goede(n) ma(n)nen en(de) dit aldus gesciet
//
zijnde en(de) henrick voirs(creven) hooren(de) en(de) weten(de) dat/ zijn huysvr(ouwe) aldus bijd(en) voirs(creven) janne gequetst/ was sprack zeke(re) woerden de welcke de voirs(creven)/ jan van buyte(n) shuys hoorde en(de) hem henricke/ voirs(creven) daer op antwoerde en(de) seyde compt ghij hier buyte(n) ick sal u vand(en) selve(n) geve(n)/ en(de) ick sal met u corts gedaen hebben en(de)/ u gerieven dagen(de) alsoe den selve(n) henricke/ uut zijne(n) huyse te meer stonde(n) en(de) boven/ desen ghinck noch de voirs(creven) jan aen die acht(er)ste/ dore vand(en) huyse des voirs(creven) henricx hem/ pijnen(de) de selve dore met foertsen open te dringen(e)/ om ald(air) noch zijne(n) quaden wille te gebruycken(e)/ Seggen(de) alsoe v(er)re de voirs(creven) jan de cuype(re) tgene/ des voirs(creven) is bekynne(n) wilde bij hem gedae(n)/ te zijne in fellen en(de) gra(m)men moede hij soude/ de waerheit bekinne(n) en(de) in gevalle va(n) ontkinnen(e)/ zoe p(rese)nteerde hij dat te thoonen(e) en(de) dit ald[(us)]/ bijd(en) voirs(creven) janne bekint oft bij hem gethoont/ zoe (con)cludeerde hij dat jan voirs(creven) gedoempt/ zoude wordden in eene(n) wech te cypers sint/ jacop in galissien te roomen oft in alsulcke(n)/ groote(n) wegen en(de) beternisse te doen(e) als de hee(re)n/ scepen(en) bevi(n)den souden nae gelegentich(ei)t vand(en)/ zake(n) en(de) zijne(n) mesuse behooren(de) waer op/ jan van hattert als p(ro)cur(eur) des voirs(creven) jans de/ cuype(re) dede seggen met zijne(n) voirsprake/ hoe dat waer was dat jan de cuype(re) geclopt/ hadde ten huyse henricx voirs(creven) voe(r) vrient/ en(de) werdde oick ingelate(n) als vrient bege(re)nde/ een kanne biers gelangt te hebben(e) dwelck/ al gebuert es maer daer de meye(r) seeght/ dat hij de kanne int vier wierp en(de) dat in/ fellen en(de) gra(m)men moede (et)c(etera) ontkende hij geheelijck/ en(de) al maer geloeft wel dat hem die ontviele/ gelijck dat dickwijle geboert dat eene(n) wel
//
wat ontvalt en(de) voorts ontkinde dat hij der voirs(creven)/ katlijne(n) oyt gequetst heeft op en(de) den meye(re) zijne(n)/ thoon Soe dat midts desen de meye(r) tot/ zijne(n) thoone gewesen werdde en(de) dien geleydt/ hebben(de) zoe (con)cludeerde hij hoopen(de) en(de) meyen(de)/ genoech gethoent te hebben(e) om tot zijnder/(con)clusien voirs(creven) te comen(e) Waer op jan vand(er)/ hattert voirs(creven) dede replice(re)n en(de) seggen(e) dat/ de meye(r) niet gethoent en hadde dat hem/ enich scade doen mochte oft janne de cuype(re)/ onstade (con)clude(re)nde daer o(m)me ter (contra)rien/ des voirs(creven) meyers (con)clusien zustine(re)nde dat/ jan de cuype(re) voirs(creven) los en(de) vrij gewesen soude/ wordden van smeyers eyssche hem des hem/ geliefde tvo(n)nisse ende den meye(r) p(er)siste(re)nde/ in zijne(n) voernemen(e) hoopte genoech gethoent/ te hebben(e) om tot zijnd(er) (con)clusie(n) te comen(e)/ hem insgelijcx refere(re)nde totten rechte/ Alsoe dat t(er) manissen smeyers de scepen(en)/ wijsde(n) voe(r) een vo(n)nisse nae aensp(ra)ke/ verantwoerden en(de) thoonisse vand(en) meye(re) dat/ jan de cuype(re) sculdich sal zijn ter bet(er)nisse(n)/ te doen(e) eenen wech sint jacops in/ galissien bynnen veertich dage(n) daerweerts/ te porren(e) en(de) daer va(n) goede waerheit te/ bringen(e) nae deser stadt recht oft daer va(n)/ den moet te crijgen(e) vanden meye(re) nae dat/ die waerheit gedragen heeft cor(am) o(mn)ibus/ scabinis dempto grave(n) nove(m)br(is) xxiii