Want ten v(er)volge g(er)truyde(n) svos weduwe jasp(ar)s/ wijle(n) van ov(er)winge geleydt zijnde uut machte va(n)/ scepen(en) brieve(n) van loeven(e) voe(r) hue(r) wettege gebrecke(n)/ van twee goude(n) core(n)vorst(er)s gulden(en) erflijck en(de) voe(r)/ de bewijsenisse der selv(er) nae de hooghe heerlijcheit/ ons genad(ichs) hee(re)n des eertsh(er)togen en(de) den rechte des(er)/ zijnd(er) stadt va(n) loeven(e) onder den ande(re)n tot alle(n) de(n)/ goede(n) beyde have en(de) erve henricx wijle(n) machiels/ geheete(n) va(n) guetrode waer die belege(n) zijn gescreve(n)/ es geweest aend(en) meye(re) va(n) libbeke oft zijne(n) stadthoude(re)/ en(de) versocht den bringe(r) vand(en) selve(n) brieve(n) te leve(re)n/ alle de voirs(creven) goede en(de) te bedwingen(e) reyne(re)n/ machiels en(de) janne clouwe(n)s mo(m)bo(r)en der kinde(re)n/ des voirs(creven) wijlen henricx mette(n) selve(n) kinde(re)n en(de)
//
alle ande(re) handen daer aen slaen(de) die te lichte(n) ende/ af te doen(e) bij alsoe oft de voirs(creven) wed(er)p(ar)tije(n) oft/ yemant anders daer jegen yet hadden willen/ seggen oft de voirs(creven) scepen(en) brieve(n) invalide(re)n dat/ zij des op heden te loeven(e) come(n) wa(r)en inde banck/ voe(r) meye(re) en(de) scepen(en) rechts plegen Aldaer de/ voirs(creven) wederp(ar)tije(n) niet come(n) en zijn noch ande(re)/ van hue(re)n wegen aerde va(n) vroe(n)hove(n) als p(ro)cur(eur)/ der voirs(creven) wed(uwe) compare(re)nde en(de) trecht voorts/ v(er)suecken(de) soe wijsde(n) de hee(re)n scepen(en) van/ loeven(e) t(er) manissen smeyers voe(r) een vo(n)nisse yerst/ aengesien tresc(ri)pt jans moens vorste(r) tot libbeke/ die certificeerde onder zijn hantteeken dat hij dex/ ploet vand(en) v(er)sueckbrieve(n) gedae(n) hadde en(de) den/ houders vand(en) goede(n) dach besceyde(n) nae inhoud(en)/ der selv(er) Bij alsoe de wederp(ar)tije(n) vand(en) geleydde(n)/ voirs(creven) niet en come(n) voe(r) d(en) opstaen(e) va(n) hen meye(r)/ en(de) scepen(en) datme(n) den selve(n) geleydd(en) vand(en) voirs(creven)/ goeden houden soude inde macht vand(en) voirs(creven)/ beleyde zoe v(er)re dat noch voe(r) scepen(en) comen es/ Eisd(em)