It(em) want stoet en(de) tebat geweest heeft tussce(n) arnde van boesschot in deen side en(de) woute(re)n va(n)de(n)/ hove [van] misselboec in dand(er) side van ene(n) halst(er) rox erflex pachts en(de) xxiiii s(cilden) pay(ments) erflex tsijs/ die de selve arnt eysschende es op ii boend(er) lants des vors(creven) wout(er)s geleg(en) te messelboec tussce(n)/ de lande des selfs arnts en(de) art rix Soe sijn beyde de vors(creven) p(ar)tyen bleve(n) in segghe(re)n en(de) in vr(iendelec)/ yffene(re)n Das te wete(n) de vors(creven) art in woute(re)n colijn en(de) in woute(re)n van boesschot en(de) de vors(creven)/va wout(er) vande(n) hove in henr(icke) van vlaslaer en(de) in woute(re)n vande(n) hove sine(n) neve Ende hebbe(n)/ geloift de vors(creven) p(ar)tyen vast en(de) gestedich te houde(n) soe wes hieraf vande(n) vors(creven) segghe(re)n geseeght/ sal worden op dat sijs van accoerde sijn en(de) soe waer sijs niet van accoerde en co(n)nen gesijn soe/selen de vors(creven) segghe(re)n de vors(creven) sake brenghe(n) voe(r) dat sij dan beyde d(er) p(ar)tyen besceyt en(de) thonisse/ brenghen selen voe(r) scep(enen) van lov(en) o(m)me een wittich vo(n)nisse d(aer) af te neme(n) gelijc ochte de selve/ p(ar)tien des met de(n) rechte gedingt hadde(n) Ende hebben geloift beyde(n) de vors(creven) p(ar)tyen vast en(de) gestedich/ te houden soe wes de vors(creven) p(ar)tien segghe(re)n oendrechtichlec segghe(n) selen ocht de scep(enen) van lov(en) hen/ daer af voe(r) een vo(n)nisse keren? sele(n) mo(n)t(e) por(ten) oct(obris) xviii