SAL7304, Act: R°256.1 (66 of 115)
Search Act
previous | next
Act R°256.1  
Act
Date: 1405-07-29

Transcription

2020-01-10 by xavier delacourt
Van woute(re)n hey(n)mans den jonghen/
Het es te wete(n) dat de meye(r) van lovene ghehacht en(de) ghevange(n) hadde te lovene den vors(creven) woute(re)n heynmans o(m)me des/
doetslaeghs wille die tot oerbeke ghevallen en(de) gheschiet [was] aen henr(icke) vanden velde henr(ix) sone vande(n) velde van averendo(r)en/
daer af dat de vors(creven) woute(r) heynmans seyde en(de) meyndde dat hi onsculd(ich) wae(re) en(de) dede v(er)sueke(n) aen den meye(r) van lov(en)/
vors(creven) des ghestelt te w(er)den te vo(n)nisse en(de) te rechte alsoe dat de meye(r) op den dach van heden den vors(creven) woute(re)n/
dede b(ri)nghen inde banc te lov(en) voe(r) scepen(en) daer jegewordich was henr(ic) vande(n) velde des vors(creven) doden vad(er) ende/
sprac den vors(creven) woute(re)n aene en(de) seyde dat hi hantdadich was aen den vors(creven) henr(icke) en(de) dien hadde helpen quedsen/
en(de) wondden talsoe dat hi d(aer) af gestorve(n) wae(re) en(de) van live t(er) doet come(n) en(de) daer aen v(er)boert en(de) gebroect hadde sijn/
lijf en(de) sijn goet tot ons(er) gened(iger) vr(ouwen) behoef van brabant en(de) al woude hi d(aer) jegen segghen dat hem dat gheen/
scade doen en soude want hi van dien feyte voervluchtich geweest hadde en(de) daer o(m)me sijn lijf en(de) sijn goet ghe/
broect en(de) v(er)boert hadde Op dwelke de vors(creven) woute(r) hem met sine(n) ghelev(er)de voerspreke v(er)antw(er)dde en(de) seyde/
dat hi dier tycht d(aer) af dat hem de meye(r) beteghen en(de) aengesproken hadde onsculdich wae(re) en(de) boet des sine(n) eet/
en(de) sijn onschout dat hi noch hantdadich noch sculdich en wae(re) vande(n) quetsuere(n) daer de vors(creven) heinr(ic) af ghestorve(n)/
en(de) doet wae(re) alsoe dat de scepen(en) vanden meye(r) d(aer) op ghemaent wijsden voe(r) een vo(n)nisse nae diensprake vande(n)/
meye(r) en(de) nae tv(er)antw(er)den vande(n) vors(creven) woute(re)n dat hi sijn onschout doen soude welke onschout hi dede gelijc/
als tvo(n)nisse ghewijst hadde doen maendde de meye(r) voert ten v(er)sueke des vors(creven) wout(er)s ocht hi volcome(n) wae(re)/
de scepen(en) wijsden dat hi volcome(n) wae(re) en(de) quite en(de) onghehoude(n) vand(er) aenspraken des vors(creven) meyers Hier/
wae(re)n over jan vanden huffele woute(r) ut(er) porte(n) h(er) lodewijc pynnoc jan vand(er) brugghen claes hoechet/
en(de) machiel van potsuynsberge scab(inis) lov(aniensibus) anno xiiii[c] qu(ar)to julii xxix[a]
ContributorsGreet Stevens
Moderated bykristiaan magnus
Last update: 2016-10-04 by Xavier Delacourt