Cont sij allen lieden dat h(er) lodewijc py(n)noc ridde(r) es come(n) in jegenw(er)dich(eit) d(er)/ scepen(en) va(n) lov(en) en(de) heeft geg(even) en(de) bekent dat hi geg(even) heeft gielise cortemans/ van meld(er) sijn woni(n)ghe mette(n) huyse(n) hove(n) wy(n)nenden lande en(de) beemden d(aer)/ toe ho(r)ende geleg(en) te bebbene(m) in de p(ro)chie van meld(er) Te houden te hebben/ en(de) te wy(n)nen va(n) half meye naest comende ene(n) t(er)mijn va(n) vi jae(re)n deen/ nae dand(er) d(aer) nae staphans volgende elx jaers dae(re)nbinne(n) dats te wetene/ de vors(creven) wy(n)nende lande elx jaers vanden [elken] boende(r) alsoe v(er)re alst in de mate/ streckende es o(m)me xiii halster corens dats te wetene de tweedeel meld(er)sche(n)/

pacht en(de) terdel tarwe goet en(de) paiabel d(er) maten va(n) lov(en) alle jare goet en(de)/ payabel d(er) mate(n) van lov(en) alsulx corens als inde p(ro)chie van meld(er)t wassen/ sal dats te verstaene de tweedeel rogge en(de) t(er)del tarwe te sente andr(ies)/ misse apostels te betaelne en(de) te lov(en) te levere(n)ne alle jae(re) den vors(creven) t(er)mijn/ duer(ende) en(de) telken t(er)mine als v(er)volghde schout It(em) sal hebben de vors(creven) wynne/ de beemde en(de) de eusele met de(n) bogarde den vors(creven) hove toeho(r)ende o(m)m/ alle jae(re) den vors(creven) t(er)mijn duer(ende) o(m)me xi holl(ansche) gul(den) van goude goet en(de)/ gheve alle jae(re) te sente m(er)tensmisse inde(n) wynt(er) te betaelne en(de) telken/ t(er)mine als v(er)volghde schout en(de) alle tstroe en(de) voesteringe dat vande(n) vors(creven)/ goeden come(n) sal sal de selve wyne wynne etten en(de) verte(re)n int tvors(creven) hof/ met sine(n) beeste(n) en(de) d(aer)af mest make(n) en(de) dat vuere(n) op tvors(creven) lant slants/ meesten p(ro)fite en(de) tvors(creven) goet wynne(n) wel en(de) loeflec gelijc sine(n) reengenote(n)/ boven en(de) beneden It(em) en oec en sal de selve wynne in sine(n) leste(n) jae(r)/ gheen lant hoervrochte(n) It(em) sal de selve wynne den vors(creven) h(ere)n lodewijc alle jae(re)/ iii[c] mandelen walms leveren o(m)me de huyse ald(aer) mede te deckene/ en(de) als men de vors(creven) huysinge plecke(n) ocht decke(n) doet daer af sal/ de vors(creven) her lod(ewijc) de dachuere(n) gelde(n) en(de) de vors(creven) wynne den [wercliede(n) den] cost gheve(n)/ It(em) sal de vors(creven) wynne den vors(creven) h(er) lod(ewijcke) alle jae(re) een halst(er) lijsaets sayen/ en(de) dat saeyt sal hem de vors(creven) her lod(ewijc) op dyerste jaer levere(n) en(de)/vand(er) dand(er) vijf jaer saelt de wynne levere(n) [vanden side] en(de) de wynne en sal
//
gheen recht in tvlas hebben It(em) sal de vors(creven) wynne int/ dleste jaer van sine(n) t(er)mine twee arde te wete(n) den/ wynt(er) art en(de) den som(er)art laete(n) besaeyt alsoe hise/ vant in sine(n) income(n) voert sal hi de brake laten alsoe/ hise vant It(em) selen de vors(creven) her lod(ewijc) en(de) [en(de)?] wynne [alle] doeft alst tijtv(er)dich es/ inde(n) bogaert ald(aer) wassende op hoe(r) beyd(er) cost ter erde(n)/ levere(n) en(de) d(aer) af sal her lod(ewijc) deen helft hebben [en(de)] de wynne/ dand(er) helft en(de) de helft den vors(creven) h(ere)n lod(ewijcke) toebeho(r)ende sal/ hem de vors(creven) wynne te lovene levere(n) en(de) de wynne sal/ den lesers den cost gheven Hier af sijn borgen des vors(creven)/ gielijs als p(ri)ncipael sculde(re)n ongesund(er)t en(de) ongesc(eiden) en(de) elc/ voe(r) al henr(ic) de roy van meld(er)t ty(m)merma(n) wille(m) van/ maerbeke henr(ic) van lathouwen pe woute(r) je(n)nijns pet(er)/ gans en(de) jan clissen allen van meld(er)t de welke borge(n) de vors(creven)/ gielijs h(ier) af geloeft heeft scadeloes te houden ly(emingh)[e] rike in die/ januarii iii