Vand(er) herb(er)gen vande(n) valke/ Cont sij allen lieden want op tijt voerleden heinric wilen van oerbeke uutghegeve(n)/ hadde vore scepen(en) van loven(en) woute(re)n wilen van duysborch een vijfte gedeelte va(n) ene(n)/ vierendele vand(er) herb(er)gen geheten den valke in woninghen huysen hoven met allen/ sinen toebehoerte(n) achter ende vore ghelegen inde dorpst(ra)te erflec te houden ende te/ besitten op den co(m)mer en(de) last daer vore uutgaende Ende voert meer op x gulden(en)/ van florense iii oude scilde vore iiii gulden(en) ghereke(n)t den vors(creven) heinr(icke) wile(n) va(n)/ oerbeke daer aen blivende ghelijc de scepen(en) brieve va(n) loven(en) daer op gemaect be/ gripe(n) ende inhoude(n) Ende want joffr(ouwe) lijsbet wettich wijf gielijs wilen va(n) hasoir/ daer de vors(creven) heinric wilen va(n) oerbeke oud(er)vad(er) af was inden selve(n) tsijs ghegoedt/ was vore meyer en(de) scepen(en) van loven(en) van heinric van oerbeke hoe(re)n brued(er) die d(aer)/ toe beleydt was mids vo(n)nisse va(n) scepen(en) brieve(n) van loven(en) bekent vande(n) vors(creven) heinr(icke)/ wilen van oerbeke sinen vad(er) Soe heeft de selve joffr(ouwe) lijsbet met sand(er)s ts(er)vranx nu/ ter tijt hoe(re)n wettegen man met den rechte ghepandt en(de) doen panden vore ghebrec/ vanden vors(creven) erftsijse op de vors(creven) herb(er)ge mids dat sij ongesceyden en(de) ongedeylt/ lach Dat ghedaen jan bays die dmeeste deel heeft inde vors(creven) herb(er)ge v(er)sochte/ ende yesch sceydinge ende deylinge te hebben met den rechte o(m)me te wete(n) welc/ d(er) vors(creven) joffr(ouwe) lijsbette(n) pant wae(re) ende sijn soude vande(n) vors(creven) x gulden(en) erftsijs/ daer op dat de scepen(en) van loven(en) [vacat] ghemaent vande(n) meyer va(n) loven(en)/ wijsden vore een vo(n)nisse den vors(creven) janne bays sceydinge ende deylinge te hebbe(n) also/ dat met den vo(n)nisse en(de) met den rechte de vors(creven) herb(er)ge bi bevelen d(er) co(m)moing(e)/ meest(ere)n vande(n) geswor(en) meest(er)s vand(er) stat ghedeylt w(er)t in vieren ghedeelten o(m)me/ uut den ene(n) vierendeele te sceppen en(de) te hebben een vijftedeel pant te sine vande(n)/ vors(creven) erftsijse De welke herb(er)ge alsoe in vierengedeylt de vors(creven) meyer va(n) loven(en)/ van heerheide(n) lotinge dede voe(r) scepen(en) jeghen den vors(creven) janne bays alsoe dat de/ selve meyer met den lote viel in een vanden vors(creven) viergedeelte Dats te weten/ dcleynhuys over dande(r) side vand(er) porten streckende rechte ned(er)w(er)t met den horneke/ en(de) met sinen stalle ende met den came(re)n ond(er) en(de) bove(n) ende met alle sijnre toebehoerte(n)/ met d(er) laken came(re)n ende met d(er) cokene(n) daer ond(er) ende met sijnre botelrien en(de) met/ sijnen asymente ond(er) ende bove(n) ghelijc dat ald(aer) betekent es kerende tot aen de/ came(r) van agymont hier wae(re)n ov(er) d(aer) de vors(creven) deylinge vanden statmeest(er)s over/ bracht w(er)t ende d(aer) de vors(creven) lotinge gesciede gord vande(n) berghe gielijs de rike/ godev(ar)t boxh(oeren) heinric de naen en(de) heinric absoloens int jaer ons he(re)n dusent vier/ hond(er)t en(de) viere xix dage in decembr(is) Dat ghedaen soe w(er)t daer nae [met] den rechte/ tvoergh(enoemt) vierdegedeelte vand(er) herb(er)gen daer de vors(creven) meyer met den lote in ghe/ vallen was vande(n) vors(creven) statgeswor(en) meest(er)s mids [bi] bevelen d(er) co(m)moing(e)meest(ere)n hen
//
gedaen ghedeilt in vijf gedeelten vanden welken vijfgedeelten den vorscr(even)/ meyer viel in lotinghen jeghen den vors(creven) janne bais een vijfte gedeelte Dats/ te weten een twintichste gedeelte vand(er) vors(creven) herb(er)gen als pant d(er) vors(creven)/ joffr(ouwe) lijsbette(n) vanden vors(creven) erftsijse ghelijc alst hier nae volght Dats te/ weten tvijftegedeelte vande(n) vierdele d(er) vors(creven) herb(er)gen ghelegen neven den/ wech vand(er) lakencame(re)n in [aen] deen side streckende neve(n) de came(r) met den/ struyschen veede(re)n op dande(r) side met sinen came(re)n met sine(n) warderebbe(n)/ en(de) met alle sijnre toebehoerte(n) uutghenome(n) vanden weghe die uut d(er) cokene(n)/ comt vand(er) laken came(re)n ende met sinen weghe ten borne en(de) voe(r) ter porten/ geliker wijs dat d(aer) beteke(n)t es Hier wae(re)n ov(er) daer dese deylinge tvierdel/ vand(er) vors(creven) herb(er)gen in viven ghedeilt vand(er) stat meest(ere)n ov(er) bracht was/en(de) daer de meyer van loven(en) de lotinge jeghen den vors(creven) ja(n)ne bays afdede/ godev(ar)t uuten lyeminghen gielijs de rike her woute(r) van quaderebbe ridde(r)/ en(de) heinr(ic) absoloens scepen(en) van loven(en) int jaer ons he(re)n dusent vierhond(er)t ende/ viere xxii dage in decembr(is)