It(em) gheert vand(er) beke(n) vors(creven) heeft bekent voe(r) de vors(creven) scepen(en) alhoe dat hi/ van gorde den k(er)smake(re) ja(n)ne vand(er) calste(re)n natuerlec sone jans wilen vand(er)/ calste(re)n en(de) clause va(n) kessele gegoedt en(de) gheerft es in de vors(creven) xiiii gul(den) r(insche)/ erffelek(er) renten en(de) vii dach(mael) beemds de welke de selve gheert wed(er) uut/ gegeve(n) heeft de vors(creven) p(er)sone(n) op xxv gul(den) holl(ansche) tot sine(n) live en(de) tot/ den live kat(line) sijns wijfs ocht eens va(n) hen beide(n) lanxt levende En(de) d(aer)/ toe jan en(de) gheert va(n) hoye gebruede(r) den selve(n) gheerde vand(er) beke(n) noch/ gheloeft hebben xxv gul(den) holl(ansche) tot sine(n) live en(de) sijns wijfs ocht/ tot des eens live va(n) hen beide(n) lanxt leve(n)de Soe es de vors(creven) gheert/ come(n) voe(r) scep(enen) hier nae ghenoemt en(de) heeft bekent en(de) ghelijt voe(r) scepen(en) / dat de vors(creven) p(er)sone niet meer jaerlex sculdich en sijn dan xxv gul(den) holl(ansche)/ en(de) dat hi niet meer jaerlex sculdich en es te heffene noch te hebbene/ dan xxv gul(den) holl(ansche) sjaers eens tor sine(n) live en(de) tot sijns wijfs live/ ocht tot des eens live va(n) hen beide(n) lanxt levende en(de) niet meer sond(er)/ argelist cor(am) eisd(em)