Cont sij allen lieden dat van alsulke(n) stoete en(de) deedinghen als gheweest/ hebben tusschen henr(icke) van lyere in deen side en(de) pete(re)n love(n)wech in dande(re)/ van wat saken dat sij tot opten dach van hede(n) de vors(creven) p(ar)tien bleven/ sijn in segghe(re)n en(de) vriendelec yffene(re)n dats te weten henr(ic) van lyere/ vors(creven) in janne weeghbroec en(de) in pete(re)n van sente pet(er)s en(de) pet(er) love(n)wech/ in janne corneke(n) en(de) in pete(re)n snep(ar)t alsoe dat de vors(creven) segge(re)n elk(er) p(ar)tien/ redene en(de) bescheit aenhoe(re)n sele(n) en(de) hoe(r) segghen hier af op dat sijs eens/ sijn segghen en(de) utene(n) binne(n) xiiii nachte(n) naest come(n)de en(de) soe waers de/[vors(creven) iiii segge(re)n] sijs niet eens en worden binne(n) den vors(creven) xiiii n tide dat sij dan bi(n)ne(n)/ den selve(n) xiiii nachte(n) ene(n) ov(er)man neme(n) selen en(de) kyesen selen die de/ selve macht hebben sal soe wes hi d(aer) af seeght gehoude(n) te w(er)de(n) En(de)/ hebbe(n) geloeft beide de vors(creven) p(ar)tien vast en(de) gestedich te houde(n) soe wes/ de vors(creven) iiii segghe(re)n binne(n) den vors(creven) tide ocht op dat sijs van accorde/ sijn ochte die ov(er)man hier af segghen en(de) t(er)mine(re)n selen op de sake/ v(er)lo(r)en rike naen junii q(ui)nta