Cont sij allen lieden dat meest(er) gord van oest(er)hem canonc d(er) kerken/ van sente pet(er)s te lovene es come(n) in jegewordicheide(n) d(er) scepen(en) va(n)/ loven(en) en(de) heeft gheg(even) (et) beke(n)t dat hi gheg(even) heeft willeme/ ty(m)merma(n) van oest(er)hem en(de) magriete(n) berchs sine(n) wive de goede/ des selfs meest(er) gords gheleg(en) te oest(er)hem en(de) te he(r)ent in huysen/ hove(n) wy(n)nende lande beemde eusele(n) met alle(n) hoe(re)n toebehoerten/[gelijc alse de vors(creven) meest(er) gord ald(aer) houd(ende) es] Te houden te hebben en(de) te wynne(n) alsoe lange da als de vorscr(even)/ willem en(de) magriete sijn wijf leve(n) selen ocht deen van hen beide(n) lanxt/ leve(n)de leve(n) sal op alle den co(m)mer en(de) last daer uut gaende te/ behoerleke(n) en(de) gewoenleke(n) t(er)mine(n) jaerlex te gelde(n) en(de) te betale(n)/ Met alsulk(er) voerw(er)de(n) en(de) condicien dat de vors(creven) wille(m) en(de) mag(rie)te/ sijn de huysinge(n) vande(n) vors(creven) goede(n) houde(n) selen wel en(de) loeflec/ in goede(n) state alsoe lange als sij leve(n) sele(n) als vors(creven) es en(de) de goede/ winne(n) en(de) w(er)ven en(de) hante(re)n gelijc sine(n) [hoe(re)n] reengenote(n) En(de) alst de(n)/ vors(creven) meest(er) gord genuege(n) sal tot oest(er)hem te come(n) soe sele(n) de/ vors(creven) wille(m) en(de) sijn wijf den selve(n) meest(er) gorde wel en(de) teemelec/ ontfaen en(de) hem gheve(n) eten en(de) drinke(n) gelijc hen selve(n) Voert heeft/ geloeft de vors(creven) meest(er) gord den vors(creven) wille(m) en(de) sine(n) wive vande(n)/ vors(creven) goede(n) recht warant te sine jege(n) ene(n) yegelike(n) also la(n)ge/ als sij leve(n) sele(n) ocht deen va(n) hen beiden leve(n) sal k(er)smake(re) rogge/ dec(embris) xxviii[a]