De godefr(ido) ex lyemi(n)ghen/ Het es come(n) in rechte inde banc vore den meyer ende scepen(en) van lovene heinr(ic) brug/ man jeghen joffrouwe(n) heylwigen uuten lyeminghen alse erfgename roelofs wilen/ uten lyeminghen hoers vad(er)s mids dien dat de selve roelof ov(er)mids vo(n)nisse va(n)/ scepen(en) brieve(n) va(n) loven(e) beleydt was tot den goede(n) godev(ar)ts uuten lyeminge(n) en(de)/ arnts va(n) boeschot die hen van hoe(r) beyd(er) wive weghen lijsbette(n) en(de) katline(n)/ dochte(re)n jans wilen pa(n)nesteerts ende katline(n) vande(n) speelhove sijns wijfs bleve(n)/ wae(re)n va(n) goessen wilen vande(n) speelhove oem lijsbette(n) en(de) katline(n) vors(creven) en(de) vad(er)/ selv(er) katline(n) hoe(r) moed(er) ja(n)ne pa(n)nesteerts wijf sust(er) goessens vande(n) speelhove/ vors(creven) alse erfgename(n) reyners wilen va(n) sintrude(n) alsoe dat henric brugma(n)/ vors(creven) een aensprake dede tot d(er) vors(creven) joffrouwe(n) heylwige(n) vande(n) stocgoede(n) die/ bleve(n) wae(re)n va(n) reyne(re)n van sintrude(n) vors(creven) ende seyde dat hi daer af een de/ naeste levende wae(re) ende dat boet hi te bethoene(n) alsoe hi dat sculdich wae(re) te/ bethoene(n) en(de) mette(n) mynste(n) d(aer) mede dat hi lide(n) mochte inde(n) rechte en(de) dat/ mids dien hemn die stocgoede volgen souden en(de) sculdich wae(re)n te volghene en(de)/ seyde oec dat hi van so(m)mege d(er) stocgoede deylinge gehadt hadde en(de) dat/ boet hi oec te bethoene(n) ende met den mynste(n) d(aer) hi mede liden mochte ende/ meynde dat hi voert deylinge daer aen hebben soude Oec sprac hi d(er) selv(er)/ joffrouwe(n) heylwigen aen vande(n) v(er)creghene(n) goede(n) die de vors(creven) reyne(r) wilen/ va(n) sintrude(n) ende sijn wijf in ghehelen stoele v(er)cregen hadde(n) en(de) seyde wa(n)t/ hi een de naeste leve(n)de wae(re) van des selfs reyners wegen gelijc als hi ghe/ boden hadde te bethoene(n) dat hem de stocgoede geheel volgen soude(n) en(de) vanden/ v(er)creghene(n) goede(n) de helcht Daer op antw(er)de de vors(creven) joffr(ouwe) heylwijch dat/ hoe(r) die aensprake gheen onstade doen en soude bi redene(n) en(de) seyde dat lijsbet/ gords wijf uuten lyeminge(n) en(de) katline arnts wijf va(n) boesschot wetteghe/ dochte(re)n wae(re)n ja(n)s wilen pa(n)nesteerts en(de) katline vande(n) speelhove sijns wijfs/ en(de) dat katline jan pa(n)nesteerts wijf hadde ene(n) wettege(n) brued(er) geheten/ goessen vande(n) speelhove de welke goessen en(de) katline sijn sust(er) wae(re)n de naeste/ levende va(n) wettege(n) bedde reyners wilen va(n) sintrude(n) doen hi va(n) live ter/ doet quam va(n) wettege(n) bedde en(de) nyema(n)t naerde(r) en(de) dat boet de vors(creven) joffr(ouwe)/ heylwijch te bethoene(n) alsoe [sij] dat nae den rechte sculdich wae(re) te bethoene(n) en(de)/ mette(n) mynste(n) d(aer) sij mede lide(n) mochte inden rechte mids den welke(n) sij seyde/ dat hoe(r) en(de) hoe(re)n beleyde die stocgoede en(de) v(er)crege(n) goede volgen soude(n) en(de) sculdich/ wae(re)n te volgen Oec seyde de selve joffr(ouwe) heylwijch dat gord uuten lyemi(n)ghen/ en(de) arnt va(n) boesschot op tijt voerlede(n) tot arschot inde banc jegen p(ar)tien gedingt/ hadde(n) o(m)me de vors(creven) goede die bleve(n) wae(re)n nae reyne(re)n va(n) sintrude(n) en(de) dat des
//
de scepen(en) va(n) arschot te twee(n) stonde(n) geweest hadde(n) tot loven(e) tot hoe(re)n hoede/ daer af dat twee hoetvo(n)nisse(n) met de(n) vors(creven) gorde en(de) arnde gelope(n) wae(re)n/ en(de) des ghedroegh hoe(r) de vors(creven) joffr(ouwe) heilwijch tot d(er) conde(n) va(n) scepen(en) va(n)/ loven(e) die te dier tijt scepen(en) wae(re)n alsoe v(er)re als sij dat drage(n) soude(n) En(de)/ oec dat tarschot inden rechte een scepen(en) brief va(n) arschot bracht was/ sprekende op reyne(re)n va(n) sintrude(n) vors(creven) daer een beleit mede gedaen was/ daer af dat gord uuten lyeminge(n) ende arnt vors(creven) dingde(n) jeghen p(ar)tien en(de)/ seyde(n) dat hen dien scepen(en) brief gheen onstade doen en soude bi redenen/ die sij d(aer) toe seyde(n) alsoe dat de scepen(en) va(n) arschot daer op ghemaent een/ vo(n)nisse gewijst hadde(n) vande(n) welken de vors(creven) gord en(de) arnt de scepen(en) va(n)/ arschot beriepe(n) te loven(e) te hoe(re)n hoede van welke(n) beroepe thoetvo(n)nisse/ met hen ghinc en(de) des gedroegh [hoe(r)] joffr(ouwe) heylwijch vors(creven) oec tot d(er) conden/ va(n) scepen(en) va(n) loven(e) alsoe v(er)re als sij dat dragen soude(n) Voert seyde joffr(ouwe)/ heylwijch dat reyne(r) wilen va(n) sintrude(n) te huweleke gegeve(n) hadde ja(n)ne/ wilen va(n) sintrude(n) sine(n) sone met henric eveloeghs docht(er) sine(n) wettege(n)/ wive seke(re) leengoede die hi hielt en(de) hanteerde doen hi lijfde en(de) leefde/ de welke bi reyners leve(n) va(n) sintrude(n) sijns vad(ers) quame(n) ende verstorve(n)/ op goessen vande(n) speelhove vors(creven) diese ontfinc vore he(re) en(de) voe(r) hof/ nae de doet jans va(n) sintrude(n) vors(creven) van welke(n) leengoede(n) de vorscr(even)/ goessen de helcht besat en(de) hanteerde bid(er) tocht(er)ssen jans wive va(n) sin/ trude(n) die een stuc tijts leve(n)de bleef nae den vors(creven) janne va(n) sintrude(n)/ hoe(re)n man en(de) die poente boet de vors(creven) joffr(ouwe) heilwijch oec te be/ thoene(n) en(de) altoes met den mynste(n) daer sij mede liden mochte inde(n)/ rechte noch seyde joffr(ouwe) heilwijch dat den doetslach va(n) he(re)n heinr(ix)/ wilen va(n) sintrude(n) des vors(creven) reyners sone was va(n) sintrude die doet/ geslage(n) w(er)t [gezoent w(er)t] aen goessen vande(n) speelhove vors(creven) alse naeste levende/ des selfs he(re)n henrix va(n) sijns vad(ers) wegen van wettege(n) bedde en(de)/ aen ene(n) ande(re)n goede(n) man ghehete(n) willem vand(er) meynartshoven/ vand(er) moed(er) weghen en(de) dat boet de vors(creven) joffr(ouwe) heilwijch oec te/ bethoene(n) alsoe dat de scepen(en) van loven(e) gemaent [worde(n)] vanden meyer
//
van lovene nae aensprake en(de) nae antw(er)de ende nae al dats voe(r)/ hen come(n) wae(re) die wijsde(n) vore een vo(n)nisse want beyde de p(ar)tien/ hen thoenisse v(er)mete(n) hadde(n) datmen hoe(r) thoenisse aenhoe(re)n soude(n) en(de) dae(re)n teynde(n) recht Ende doent op den dach va(n) thoene(n) quam soe/ thoende heinric brugma(n) dat hi een de naeste leve(n)de wae(re) van/ wettege(n) bedde va(n) reyne(re)n wilen van sintrude(n) va(n) reyners vad(er)/ weghen daer de stocgoede af come(n) wae(re)n Daer nae dede joffr(ouwe)/ heylwijch hoe(r) thoenisse Inde(n) yerste(n) versocht sij datme(n) de scepen(en)/ va(n) loven(e) verhoerde hoe(r) conde(n) van dien des sij hoe(r) tot hen gedra/ gen hadde daer op droeghen de scepe(ne)n vors(creven) dat te dier tijt doen/ gord uuten lyeminghen en(de) arnt va(n) boesschot jeghen p(ar)tien tarschot/ dinghde(n) o(m)me reyners goede va(n) sintrude(n) dat daer af twee hoet/ vo(n)nisse(n) van loven(e) met gorde uuten lyeminge(n) en(de) arnde va(n) boesscot/ ghelope(n) wae(re)n en(de) dat den vors(creven) scepen(en) brief va(n) aerschot met de(n)/ hoetvo(n)nisse vande(n) vors(creven) beroepe te nieute gewijst w(er)t Daer/ nae soe thoende joffr(ouwe) heylwijch dat goessen vande(n) speelhove/ en(de) katline vande(n) speelhove sijn sust(er) jan pa(n)nesteerts wijf de/ naeste levende wae(re)n reyners wilen va(n) sintrude(n) doen hi va(n)/ live ter doet quam va(n) wettege(n) bedde en(de) nyema(n)t naerd(er) dan/ sij En(de) voert thoende joffr(ouwe) heylwijch dat goessen vande(n) speel/ hove en(de) katline sijn sust(er) de naeste levende wae(re)n reyners wile(n)/ va(n) sintrude(n) va(n) sijnre moed(ers) wegen daer de stocgoede afco/ men wae(re)n ende dat alle reyners stocgoede va(n) sijnre moed(ers) we/ ghen come(n) wae(re)n ende oec dat reyne(r) va(n) sintrude(n) noeyt oem/ noch moeye en hadde van sijns vad(ers) wegen va(n) wettege(n) bedde/ Noch thoende joffr(ouwe) heylwijch vors(creven) dat de moed(er) va(n) goesse(n)/ vande(n) speelhove en(de) van jan pa(n)nesteerts wive en(de) reyne(re) va(n)/ sintrude(n) wae(re)n gesust(er) kynde(re) en(de) ghebrued(er) kynde(re) van wette/ gen bedde Noch thoende joffr(ouwe) heilwijch vande(n) leengoede(n) bo/ ven bescreve(n) en(de) vand(er) zoene(n) die gedaen was va(n) he(re)n henric/ va(n) sintrude(n) ghelijc dat sij hoe(r) v(er)mete(n) hadde Ite(m) dede gord
//
uten lyeminghen ende arnt va(n) boesschot een behoudt alse vande(n) goede(n)/ die bleve(n) wae(re)n van janne wile(n) va(n) sintrude(n) vors(creven) te hoe(re)n ede te(n) heilge(n)/ dat goessen vande(n) speelhove en(de) katline jan pa(n)nesteerts wijf vore/ en(de) sij nae die goede gehoude(n) en(de) gehanteert hadde(n) in stille en(de) in vrede/ xxx jaer ende dage ende meer ende dat hielden hoe(r) twee met hen/ dat hoe(re)n eet goet en(de) gherecht wae(re) en(de) o(n)meynedich soe hen god hulpe/ en(de) de heilge(n) ende alle gods heilgen Voert dede joffr(ouwe) heilwijch een be/ hout ten heylgen dat goessen wilen vande(n) speelhove en(de) jan pa(n)ne/ steerts wijf vors(creven) die selve goede die bleve(n) nae ja(n)ne va(n) sin/ trude(n) voe(r) gord uute(n) lyeminghen en(de) arnt va(n) boesschot daer nae/ en(de) d(aer) nae roelof uten lyeminghe(n) hoe(r) vad(er) mids sine(n) beleyde en(de) sij/ daer nae ghehanteert en(de) besete(n) hadde(n) xxx jaer en(de) dage en(de)/ meer in stillen en(de) in vreden en(de) dat hielden hoe(r) twee met hoe(r)/ dat hoe(re)n eet goet en(de) gherecht wae(re) soe hen god hulpe en(de) de/ heylgen en(de) alle gods heylghen Ende tvors(creven) thoenisse va(n) beyde/ den p(ar)tien gedaen en(de) ghehoert Soe maende de meyer va(n) loven(e)/ de scepen(en) va(n) lovene nae aensprake en(de) nae antw(er)de en(de) nae thoe/ nisse en(de) nae al dats voe(r) hen come(n) wae(re) wats va(n) rechte sijn/ soude Daer op dat de scepen(en) hen wael berade(n) wijsden voe(r) een/ vo(n)nisse dat joffrouwe heylwijch schoend(er) ghetoent hadde dan/ henric brugman en(de) dat de [die] goede hoe(r) en(de) hoe(re)n beleyde volge(n) soude(n)/ Hier wae(re)n ov(er) henr(ic) vande(n) borchove(n) godev(ar)t de kersmake(re) jan rogghe/ gielijs de rike gheert de gruyte(re) henr(ic) naen en(de) hubrecht va(n) b(er)them/ scepen(en) va(n) loven(e) anno xiiii[c] sexto dece(m)br(is) xx[a]