It(em) jan vanden morte(re) in deen side en(de) gielijs van landen(e) in dande(r) side gestaen/ in jegenwordicheyt d(er) scepen(en) va(n) loven(e) hebben hen gekeert en(de) sijns bleven va(n)/ alsulke(n) state tabat discoert en(de) geschille als tussche(n) hen beyden geweest heeft/ en(de) es oft sijn mach alse van eenre ca(m)men met haerre toebehoirte(n) gelege(n)/ te wijchmael de welke en(de) in alder manie(re)n de voirs(creven) gielijs van landen(e)/ den voirs(creven) janne vande(n) morte(re) die v(er)huert en(de) uutgegeven heeft tot enen/ seke(re)n t(er)mijn duerende in vriendelike yffene(re)n paysmak(er)s en(de) segg(er)s Te wete(n)/ in henricke den juede en(de) henric ghi woute(re)n lyeminc den jonge(n) wone(n)de/ inde steenstrate en(de) henricke ghisen hoppe(n)brouwe(re) wonende in borchst(ra)te daer/ toe ghenoemt genome(n) ende ghecore(n) vande(n) voirs(creven) janne vanden morte(re)/ en(de) de voirs(creven) gielijs vanden landen(e) in henricke den juede en(de) janne/ levenstoc daer toe ghenoemt genomen en(de) gecoren vande(n) voirs(creven) gielise/ van landen(e) en(de) hebben geloeft de voirs(creven) p(ar)tien in beyden siden vast ende/ gestedich te houden soe wat de voirs(creven) vier segg(er)s ochte de drie van hen/ vande(n) voirs(creven) saken eendrechticht seggen en(de) p(ro)nu(n)tie(re)n selen Bij alsoe/ soe waer enigher p(ar)tyen sine segg(er)s of enich daer af gebrake dat hi/ene(n) ande(re) een och meer in des gheens stat weder die hem gebrake/ weder setten soude met vorw(er)den dat de voirs(creven) jan vanden morte(re) alle/ sijn bescheyt aensprake en(de) beclach dat hi toten voirs(creven) gielise van/ landen(e) heeft ocht aenspreke(n) wille sinen [den] segg(er)s [va(n) hem ghecore(n)] ov(er)gheve(n) sal in/ gescrifte o(m)me dat voirt te b(ri)ngen en(de) ov(er) te geve(n) aende segg(er)s des/ voirs(creven) gielijs van landen(e) bynnen a van desen dage va(n) heden in/ acht daghen naest comende en(de) dat de voirs(creven) gielijs sijn verant/ w(er)den dair op make(n) en(de) overgeven sal sinen segg(er)s [d] den segg(er)s/ va(n) hem gecoren o(m)me voirt te b(ri)ngen en(de) over te geven den/ segg(er)s vanden voirs(creven) janne vanden morte(re) gecore(n) bynnen acht/ dage(n) dair naest volgende en(de) dat de voirs(creven) drie [vier] segg(er)s ochte/ de drie van hen op dat sijs van accorde sijn haer seggen daer/ ad uuten en(de) p(ro)nu(n)tie(re)n selen bynnen acht dage(n) d(aer) na sonder myddel/ volgende ende soe waer de voirs(creven) vier segg(er)s ochte de drie van/ hen bynnen den voirs(creven) tide des niet eens noch va(n) accorde en wae(re)n/ dat si dan bynne(n) den selven tide aensprake en(de) tv(er)antw(er)den van/ beyde(n) p(ar)tien bringen selen aen de scepen(en) van lovene en(de) van hen/ d(aer) af nemen en(de) halen een hoetvonnis als ofs mette(n) rechte gedingt/ wae(r) En(de) hebbe(n) geloeft de voirs(creven) p(ar)tien vast en(de) gestedich te houde(n)/ soe wes de voirs(creven) vier segge(re)n ochte de drie van hen vanden/ voirs(creven) saken eendrechtichlec seggen en(de) p(ro)nu(n)tie(re)n selen en(de) soe/ waer sijs niet va(n) accorde en wae(re)n soe wes dan de vors(creven)/ sepen(en) va(n) loeven(e) d(aer) af voir een hoeftvonnis geven selen/ p(rese)nt(ibus) jo(hannes) alb(us) paul(us) custe(re) julii xxii vid(elicet) des vridaeghs/ op sente ma(r)ien magdalen dach