Cond sij allen lieden dat herjan pijlyser ridder en(de) vrouwe gheertruyt sine gesellinne/ sijn comen in jeghenwordicheyt der scepen(en) van lovene en(de) hebben geloeft ongesund(er)t/ en(de) ongescheiden arnde den coninc van antwerpen [in dat side daer jeghenwordich wesende] de huwelike vorwerden en(de)/ gheluften hier na bescreven inden name en(de) ov(er)mids den toecomenden huwelec die/ oft god wilt geschien sal tusschen den voirs(creven) arnde [in deen side] en(de) jouffrouwe gudule(n) dochter/ h(er) jans pijlysers en(de) vrouwe geertruden voirghenoemt in dande(r) side inden yersten/ hebben geloeft endee gheloven de voirs(creven) her jan en(de) vrouwe gheertruyt sine ghesellinne/ inder voirs(creven) huweliker vorwerden met der voirs(creven) joffr(ouwe) gudulen haerre dochter den/ voirs(creven) arnde den coninc te gheven en(de) te betalen hondert gulden pe(n)ninghe die/ men heet cronen der mu(n)ten tskoninx van vrancrike goede en(de) gheve alle jaer/ alsoe langhe alse de voirs(creven) h(er)jan en(de) vrouwe geertruyt sine gesellinne leve(n) selen/ ocht enich van hen leven sal seen helecht daer af tsinte jans misse baptisten/ en(de) dander helecht te kerssavonde [en(de) die] te betale(n) en(de) tot elken t(er)mine alse v(er)volghde/ schout Welke hondert penninghe diemen heet crone(n) [gulde(n)ne crone(n)] voirs(creven) de voirs(creven) h(er)jan pijlys(ers)/ en(de) vrouwe gheertruyt sine ghesellinne den voirs(creven) arnde inden name en(de) tot behoef/ van hem en(de) vanden voirs(creven) joffrouwe goedulen selen moghen bewisen alst hen/ ghenueghen sal op goede seke(r) goede en(de) onderpande geleghen bynnen drie(n) milen/ na lovene wel werdt wesende boven alle(n) last en(de) co(m)mer daer uut gaende [te goeder lude preise] de voirs(creven)/ hondert vrancrijcsche crone(n) tsjaers Te weten een mudde rogs goet en(de) payabel/ der maten van lovene voer twee hollansche gulden gerekent en(de) een mudde/ tarwen goet en(de) payabel der selver maten van lovene voir twe rijnsche gulden(en)/ gerekent of alsulke goede als voirs(creven) sijn de voirs(creven) hondert vrancrijcsche crone(n)/ jaerlix sal werdt wesende hen daer voe(r) overgheven en(de) d(aer) toe alsoe vele te/ doene ten steden daer die goede geleghen sijn dat den voirs(creven) arnde en(de) sinen [jouffr(ouwe) gudule(n)]/wive sal sijn alsoelanghe alse [de] voirs(creven) h(er)jan en(de) vrouwe geertruyt leven selen oft enich [van hen leven sal als voers(creven) es]/ vast en(de) seker sal sijn [ende soe wanneer die ghewissenisse oft goedinghe alsoe geschiet sal sijn dat [dan] de vors(creven) h(er)jan en(de) sine gesellinne vande(n) voirs(creven) hondert crone(n) tsjaers voertaen los er te betale(n) uijt en(de) ongehouden selen sijn] met selker vorwerden [daer zij] gevielt byden wille onss he(re)n dat/ de voirs(creven) joffr(ouwe) goedule aflivich worde eer arnt de coninc haer toecomende/ man voirg(enoemt) en(de) sij te same gheene geboirte en hadden blivende [te live] achter de voirs(creven)/ joffr(ouwe) gudele dat dan de voirs(creven) arndt de coninc de voirs(creven) hondert crone(n) [gulden pe(n)ninghe crone(n)] tsjaers/ hebben soude en(de) behouden soude tot sijnre tocht alsoe langhe als hi leven/ soude en(de) niet langher Mar soe waer de voirs(creven) arnt en(de) joffr(ouwe) guedele geboirte/ te samen hedden die te live bleve achter de voirs(creven) joffr(ouwe) guedele dat dan de/ voirs(creven) arnt de voirs(creven) hondert [gulden(en) peninghe] cronen mer half te weten vijftich daer af tsjaers/ behouden soude tot sijnre tocht sine leefdaghe lanc en(de) niet langher en(de)/ dande(r) vijftich soude hebben de voirs(creven) geboirte der voirs(creven) joffr(ouwe) goedule(n) bleve(n)de/ en(de) worde die geboirte aflivich sonder wettich kint daer af te bliven/ dat dan die lest vijftich crone(n) [guldene pe(n)ninghe cronen] souden valle(n) en(de) versterven opte naeste/ erfghenaemen der voirs(creven) joffr(ouwe) guedelen
//
Item es vorwerde en(de) [ond(er)sproke(n) ind(er) voirs(creven) huwelik(er) vorw(er)de(n)] hebben geloeft de voirs(creven) her jan en(de) vrouwe geertruyt/

sine gesellinne i de(n) voirg(enoemde) arnde met der voirs(creven) joffr(ouwe) guedele(n) sijnre [haerige] dochter/

in huweliker vorwerden alse voirs(creven) es soe wanneer de voirs(creven) h(er) jan pijlyser/ en(de) joffr(ouwe) [vrouwe] geertruyt sine gesellinne alle beyde van live ter doet comen selen/ sijn dat dan de voirs(creven) arnt en(de) joffrouwe guedele de voirs(creven) hondert [br(ieven)] crone(n)/ tsjaers weder in b(ri)nghen selen en(de) daer voir selen sij hebben alse voe(r) haer/ deylinghe tweehondert rijnsche guldene goede en(de) gheve jaerliker en(de) erflike(n)/ renten of daer voe(r) goede seke(re) goede sone die dies wel weert selen sijn/ te goeder lude prise of de voirs(creven) arnt en(de) joffr(ouwe) guedele selen voir die voirs(creven)/ tweehondert rijnsche gulden tsaers hebben rechte zuster deylinghe na den/ lantrechte(n) daer der voirs(creven) her jans pijlysers ende vrouwe gheertruden/ goede geleghen sijn in alle den goeden have en(de) erve die bliven selen na/ de doet h(er) jans en(de) vrouwe geertruden voirs(creven) en(de) hier af selen de voirs(creven)/ arnt en(de) joffr(ouwe) guedele [na doet h(er)jans pijlysers en(de) vrouwe gheertr(uden) sijnre gesellinne voirs(creven)] den cose hebben dwelc van beyden dat si kiesen/[en(de) hebbe(n)] wille(n) Te wete(n) de voirs(creven) tweehondert rijnsche gulden tsaers erflec voe(r)/ hae(r) deylinghe of de voirs(creven) zuster deylinghe voe(r) die voirs(creven) tweehondert/ rijnsche gulden(en) [welke vorw(er)den geluften punte(n) en(de) condicien alle en(de) yeghewelke [voirs(creven)] boven/

bescreve(n) en(de) v(er)cleert de voirs(creven) h(er) jan pijlyser en(de) vrouwe geert(rude) sijne gesell(inne) hebbe(n) geloeft voe(r) hen en(de) voe(r) hue(r) erfghename(n) en(de) nacomeli(n)ghe(n) den voirs(creven) arnde den coninc en(de) [te(n) name en(de) tot behoef van hem en(de) vand(er) voirs(creven)] joff(rouwe) gudulen sijnre toecomender bruyt wel en(de) volcomelec te voldoen v(er)vulle(n) en(de) te v(er)doene voldoene in alle der voeghe(n) en(de) vormen en(de) maniere(n) boven bescreve(n) alse v(er)volghde scout] Hier wae(re)n over hubrecht va(n) b(er)them en(de) jan h(er)tshals scepen(en)/ va(n) lovene dit geschiede en(de) was gedaen int jae(r) ons he(re)n doemen/ screef dusent vierhontdert d elve [opte(n)] neghentien[ste(n)] daghe [dach] in decembri [voirs(creven)]