Cond sij allen lieden dat want henric van belanden diemen heet de mu(n)te(re) de jonghe/ ghenome(n) heeft van janne vand(er) mole(n) van bierbeke des selfs jans goede gheleghen/ te buedinghen inde p(ro)chie van bierbeke [i(n) husen hove(n) wynnende lande beemde en(de) eus(e)le hier na ghe[noemt]] enen t(er)mijn van neghen jae(re)n [lanc] gelijc de scepen(en)/ brieve [van lovene] d(aer) op ghemaect volcomelec inhouden en(de) begrepen Soe eest dat de voirs(creven)/ henric de mu(n)te(re) gestaen in jeghe(n)wordicheyt d(er) scepen(en) van lovene heeft gegeve(n)/ en(de) bekindt dat hi gegheven heeft henricke(n) diemen arnts van belanden(en) de [selve] goede/ des voirs(creven) jans vander molen hier na bescreven te houden te hebben te wynnen/ en(de) taenverden tsente jans misse baptisten nu naest comende ene(n) t(er)mijn van/ sesse jae(re)n daer na sonder myddel volghende elcs jaers daer in [en] bynnen o(m)me/ xxvii(½) mudden rogs goet en(de) payabel alsulc als op tvoirs(creven) goet jaerlex wassen sal/ wael bereidt met wanne en(de) met vloghele lovenscher maten alsoe dat de voirs(creven)/ henric arnts bynne(n) den voirs(creven) sesse jae(re)n ghelden en(de) betalen sal sesse volle pachte/ die altoes tsinte andries misse apostels te betale(n) en(de) te loevene te leve(re)n tot elken/ t(er)mine alse v(er)volghde scout Ite(m) sal noch de voirs(creven) henric arnts den voirs(creven) henrick/ den mu(n)te(re) alle jae(re) dessen t(er)mijn durende betalen alse vanden beemden en(de) vand(er)/ weyden des selfs henrics de mu(n)te(re) [voertgeven] xii hollan(sche) gulden goede en(de) gheve alle jae(re) tsinte/ m(er)tens misse inden wynte(r) te betale(n) en(de) telke(n) t(er)mine als v(er)volghde scout Item alle/ doeft inden grote(n) bogart wassende sal de voirs(creven) henric arnts alleen hebben sonder/ den voirs(creven) henricke de(n) mu(n)te(re) yet daer af te deylen maer doeft wassende in/ dwynnende beloc te(n) groten wuwe(r) eest claeyn eest groet selen de voirs(creven) henric/ en(de) henric alle jae(re) deylen en(de) hebben te ghelike half en(de) half ende de voirs(creven) henric/ arnts sal den voirs(creven) henricke den mu(n)te(re) sijn deel daer af te lovene bringhen/ It(em) sal de voirs(creven) henric arnts den voirs(creven) henricke den mu(n)te(re) alle jae(re) tot/ lovene bringhen van bierbeke of daer omtrent daert hem de voirs(creven) henric de mu(n)te(re)/ bewisen sal ii voeder houts Item sal de voirs(creven) henric arnts den voirs(creven) henr(ic)/ den mu(n)te(re) alle jae(re) leve(re)n xxxii mandele(n) walme(re)n de husinghe aldaer mede/ te houden en(de) alsmen die aldaer verdect daer af sal de voirs(creven) henric de mu(n)te(re)/ de dachhuere(n) betalen en(de) henric arnts sal de wercliede voeden Ite(m) soe waer/ yet aende [voers(creven)] husynghe ghebroke(n) worde van henrics arnts beesten beneden der/ onderster rikelen dat soude de voirs(creven) henric arnts doen make(n) sonder henrix/ mu(n)te(re) cost Item soe waer aen de voirs(creven) goede yet waer te maken het/ waer in ty(m)meringhe in deckene ocht in pleckene van ouden werke daer/ af soude de voirs(creven) henric arnts de werclide voeden en(de) henr(ic) de mu(n)te(re) sal/ de dachhue(re)n betale(n) Maer daer henric de mu(n)te(re) yet dade make(n) van nuwen/ werke daer af soude de voirs(creven) henric arnts [de mu(n)ter] arnts van alden cost onghe/ houden sijn Item es vorwerde dat de voirs(creven) henric arnts de voirs(creven)/ goede laten sal tsente jans misse te sinen afscheiden alsoe hise vindt
//
te sinen aencomen dats te weten den wynter art houdend iiii(½) boender min/ een half dachmael besayt met wynt(er) coerne op vier ghetideghe vore(n) en(de) den/ zomer aert houde(n)de v boende(r) en(de) een half dachmael besayt met somercoerne/ Te weten ii(½) boende(r) met eve(n)ne(n) en(de) ii(½) boender en(de) [een] half dachmael met ghersten/ de gherst op iii getideghe voere(n) en(de) devene op ii ghetideghe vore(n) en(de) den/ derden aert houdende xvii dachmael sal hi brake laten op twe vore(n) Ende/ alle de voirs(creven) lande sal de voirs(creven) henric arnts wel en(de) loflec wynnen en(de)/ werven ghelijc sinen reenghenoten ende alle tstroe dat bove(n) de voirs(creven) xxxii/ mandele(n) walme(re) jaerlex comen sal vanden voirs(creven) goeden dat sal hi te meste/ maken en(de) weder op[t] lant voere(n) ten [meesten] profijt vanden lande Item sal de voirs(creven)/ henric arnts de voirs(creven) goeden wel en(de) loflec houden bevreden rumen en(de) grechte(n)/ en(de) de stof d(aer) toe nemen op de voirs(creven) goede ter minster scaden Oec sal de voirs(creven)/ henric arnts sine berri(n)ghe nemen aen haghen en(de) aen trunceyke(n) t(er) minst(er)/ scaden ende soe waer enighe wilghe(n) verdroeghden die soude de voirs(creven) henric/ arnts hebben en(de) voer elke verdroeghde willghe ii poten wedersetten Item/ soe waer de voirs(creven) henric arnts scade lede aen de voirs(creven) goede van ghemeyne(n)/ orloghe ocht van tempeesten daeraf sal [soude] hem de voirs(creven) henric de mu(n)te(re)/ rastoer en(de) verguetschen doen gelijc ande(re)n goede(n) liede(n) boven en(de) beneden En(de)/ alle de voirs(creven) punten vorwerden en(de) condicien hebben gheloeft de voirs(creven) henr(ic)/ arnts en(de) henric de mu(n)te(re) malcande(re)n te houden en(de) te voldoene wel en(de) vol/ comelec in alder voeghen en(de) manie(re)n boven bescreve(n) en(de) tot elken t(er)mine als/ vervolghe scout Hier af sijn borghe(n) [des voirs(creven) henr(ix) munte(re)] alse p(ri)n(cipa)[le] sculde(re)n ongesund(er)t en(de) onges(cheyden)/ henric en(de) jan arnts sone de voirs(creven) henric arnts de welke henric/

arnts heeft gheloeft de voirs(creven) henricke en(de) janne sine sone hier af/

scadeloes tontheffen Hier wae(re)n over jan vanden borchoven en(de)/ jan vand(er) brugghen scepen(en) van lovene dit geschiede en(de)/ was gedaen int jae(r) ons he(re)n doeme(n) screef m cccc en(de) elve iii daghe/ in februar(ii)