Cond sij allen lieden dat jan kip van wesemale es come(n) in jeghenwordicheyt/ der scepen(en) van lovene en(de) heeft ghenomen ende bekendt dat hi genomen heeft/ van meest(er) gheerde brunen p(ro)chiaen der kerken van he(re)nt die [de] goede des selfs/ meest(er) gheerts gheleghe(n) te herent te houden en(de) te hebbe(n) en(de) te wynne(n) van half/ merte lest leden enen t(er)mijn van drie jae(r) daer na sonder myddel volghende/ inder manie(re)n dier hier na bescreve(n) [volghende] dats te weten dat de voirs(creven) [jan] des voirs(creven)/ p(ro)chiaens lant hebben sal en(de) wynne(n) ter helecht wel en(de) loflec gelijc sinen/ reenghenote(n) en(de) de voirs(creven) lande gheven sinen ghetighe voren Te weten den/ rogghen are aert driven ter veerden voren en(de) tsomercorenlant ter derde(re)r/ voeren en(de) alse tcoren rijp es ende inden bant toe sal de voirs(creven) jan des voirs(creven)/ p(ro)chiaens coren ierstwerf te voren indes voirs(creven) p(ro)chiaens schuere doen vueren/ eer hi tsine ruere(n) sal Ite(m) sal de voirs(creven) [jan] hebben de minste side vander schuere(n)/ ter woninghen w(er)t mer de voirs(creven) p(ro)chiaen sal in die selve side vand(er) schuere(n) be/ houde(n) den ouden coestal en(de) den gaststal ende de voirs(creven) jan sal hebbe(n) en(de)/ behouden een deel vand(er) woninghen en(de) vande(n) ande(re)n husinghen ind(er) manie(re)n/ en(de) gelijc dat hi die nu ter tijt houdende es en(de) hem bewijst sijn Ite(m) sal de/ voirs(creven) jan den voirs(creven) t(er)mijn duerende hebben den wynnende(n) hof acht(er) de/ schuere te pachte elcs jaers o(m)me een half mudde tarwen en(de) een half mudde/ rogs en(de) daer toe sal de selve jan den voirs(creven) p(ro)chiaen alle jae(re) sayen een/ halst(er) lijnsaets op sine(n) vlassaert inden selven hof ende de [voirs(creven)] p(ro)chiaen sal den/ cose hebben te welker siden dat hijt ghesayt wilt hebben ende de selve/ p(ro)chiaen sal tlijnsaet leve(re)n Ite(m) selen de voirs(creven) p(ro)chiaen en(de) jan doeft wasse(n)de/ inden bogart achter de woninghe alle jae(re) deylen en(de) hebben te ghelike half/ en(de) half mar de voirs(creven) jan sal dit alle dat oeft op sinen cost te eerde(n) leve(re)n/ en(de) half den brede vanden bogart make(n) Ite(m) allet duven mest vand(er) porten/ dat sal de voirs(creven) jan vueren opt lant ten meeste(n) p(ro)fijte en(de) allet mest/ dat de voirs(creven) p(ro)chiaen make(n) sal met sinen beesten bynne(n) de voirs(creven) coestal/ en(de) [bynnen den] pertstal dat sal de voirs(creven) jan vuere(n) opt lant tot haerre beyder/ meesten profijte Item sal de voirs(creven) jan hebben tstroe en(de) tkaf van des/ voirs(creven) p(ro)chiaens helechte en(de) niet meer rechts daer aen hebben Item/ de voirs(creven) p(ro)chiaen sal sine(n) helecht vanden voirs(creven) coerne doen dersschen/ op sine(n) cost Ite(m) de voirs(creven) jan sal jaerlex leve(re)n vijf en(de) twintich mandelen/ walms Ite(m) ten lesten jae(r) sal de voirs(creven) jan late(n) int voirs(creven) goet/ achttien mandelen rogghen tstroes en(de) neghen mandelen gherstens/ stroes en(de) acht en(de) twint(ic)h wanne kaefs Item de voirs(creven) jan sal bynne(n)/ den voirs(creven) t(er)mine op tvoirs(creven) lant vueren acht en(de) twintich voede(r) merghels/ elc voeder met drien p(er)den en(de) des sal hem de voirs(creven) p(ro)chiaen gheven/ voer voer elc voeder vier placken Ite(m) sal de voirs(creven) jan alle tstroe
//
dat vanden voirs(creven) lande come(n) sal bynne(n) des voirs(creven) p(ro)chiaens hove late(n) en(de) alle/ dat mest dat daer af come(n) sal opt lant vuere(n) d ten meesten p(ro)fijte vande(n) land/ Ite(m) sal de voirs(creven) jan ten lesten jae(r) alle dat mest dat in thof es opt lant vuere(n)/ daert den voirs(creven) p(ro)chiaen genueghe(n) sal en(de) de messye bloet laten Ite(m) de voirs(creven)/ p(ro)chiaen en(de) jan selen alle jae(r) cope(n) [Te weten] elc van hen beyden een en(de) twint(ic)h mandele(n) stroes/ die tweedele daer af rogghe(n) stroe en(de) tderdel ghersten stroe en(de) dat int voirs(creven)/ hof b(re)nghen en(de) daer sliten Item sal de voirs(creven) jan dlant laten besayt gheerijt/ en(de) bevreedt in alder maniere(n) dat hij vant te sine(n) aencome(n) Te wete(n) dat stortlant/ gestortt en(de) de brake eens o(m)me ghedaen en(de) den rogghe(n) aert besayt op vier/ ghetideghe voren Ite(m) sal de voirs(creven) jan den voirs(creven) p(ro)chiaen sine(n) t(er)mijn duere(n)de/ jaerlex bynne(n) wynne(n) twee stucke(n) lants houdende o(m)trent twee dachmale/ geleghe(n) op beyden syden jans van o nodenbeke ende mesten met des voirs(creven) p(ro)chiaens/ meste en(de) toonen daer af [de(n) voirs(creven) p(ro)chiaen] invuere(n) Item sal de voirs(creven) jan alle jae(re) den voirs(creven)/ t(er)mijn duere(n)de gheve(n) vanden eusele te langrode geleghe(n) twee rijnsche gulden(en) twee/ capune twe pe(n)ninghe goets ghelts en(de) sesse molevate evene(n) Ite(m) vanden eusele/ op tcleyne broecvelt geleghe(n) sal de selve jan alle jae(re) gheve(n) en(de) tsente andries misse/[apostels] betale(n) anderhalf mudde rogs Ite(m) de voirs(creven) jan sal den voirs(creven) p(ro)chiaene alle jae(re) diene(n)/ met sine(n) waghene en(de) p(er)den twee daghe Item sal de voirs(creven) jan alle jae(re) l allet/ coren dat van des voirs(creven) p(ro)chiaens lande en(de) van sinen [sijne] thiende(n) come(n) sal tot/ lovene vueren Item sal de voirs(creven) jan den voirs(creven) p(ro)chiaen alle jae(re) den voirs(creven)/ d(er)mijn duerende doen hueden van sinen [verkens] herde twee verken Te weten als [bi] seve(n)/ verkens herde houdt mar als hi ghene(n) verkens herde en houdt soe sal hi daer/ af ongehouden sijn Item sal de voirs(creven) p(ro)chiaen op dleste jae(r) vande(n) voirs(creven) t(er)mine sette(n)/ va(n) sinen wege(n) op dat hi wille enen sayer o(m)me tvoirs(creven) lant te besayen en(de) de/ voirs(creven) jan sal daer toe leve(re)n goet cusber saet en(de) dies ghenoech Item sal de/ voirs(creven) ja(n) ten lesten jae(re) alle deuselen [en(de) lant] laten v(er)maect en(de) bevreedt in ald(er) maniere(n)/ dat hise vant te sine(n) aencomen ter goeder waerheyt Ite(m) de voirs(creven) jan sal/ jaerlex des voirs(creven) p(ro)chiaens berri(n)ghe bynne(n) sine(n) hove vuere(n) alsoe verre als hise/ aen hem selve(n) doet make(n) Item de voirs(creven) jan en sal noch en mach nyeman(d)e/ anders des voirs(creven) p(ro)chiaens goede uutgheve(n) van sijnre hant sonder orlof wille/ en(de) consente va(n)den selve p(ro)chiane Welke(n) vorwerde(n) poente(n) en(de) condicie(n) alle en(de)/ yegewelke bove(n) bescreve(n) en(de) v(er)claert de voirs(creven) jan hee p(ro)chiaen en(de) jan hebbe(n) geloeft/ malcande(re)n vast en(de) gestedich te houden en(de) te voldoene in ald(er) maniere(n) bove(n) bescr(even)/ en(de) tot elke(n) t(er)mine als v(er)volghde scout en(de) daer af sijn burghen des voirs(creven) jans/ alse p(ri)n(cipa)[le] sculde(re)n ongesund(er)t en(de) ongescheide(n) art kip va(n) wesemale en(de) jan de clerc/ woene(n)de te vlaslaer in de p(ro)chie va(n) rode de welke burghe(n) de voirs(creven) jan daer aff/ heeft geloeft scadeloes tontheffen Hier wae(re)n over henric va(n)de(n) borchove(n)/ en(de) jan vander brugghen scepen(en) va(n) lovene dit gheschiede int jae(r)/ ons he(re)n doeme(n) screef dusent vierhondert elve opte(n) veerde(n) dach va(n)/ januairo