It(em) gielijs valke [va(n) wenkesele] qua(m) int rechte voe(r) meye(r) en(de) scepen(en) van lovene en(de) dede segge(n)/ met sine(n) gelev(er)den voirspreke dat hi daer dach hadde jege(n) janne bavijs dien/ beclaeght hadde alse ene(n) man van bute(n) voe(r) xl cronen [bat en(de)] versocht den meye(r)/ va(n) lovene want jan bavijs voirs(creven) d(aer) niet voe(r) ogen en qua(m) dat hi want de/ selve gielijs een man van bute(n) wae(r) mane(n) waude den scepen(en) van lovene oft hi/ jege(n) den voirs(creven) janne bavijs v(er)weert soude sijn Welke scepen(en) daer op vande(n)/ voirs(creven) meye(r) gemaent wijsde(n) voir een vonnisse want de voirs(creven) jan bavijs/ niet in trecht en q(ua)me qua(m) en(de) de voirs(creven) gielijs een ma(n) van buten wae(r) dat de/ selve gielijs jege(n) den voirs(creven) janne verweert soude sijn Dit geschiede des/ dijsdaeghs voe(r) der noenen xiii dage in decembri daer bi en(de) aen wae(re)n/ lodewijc pynnoc ja(n) de witte gielijs de rike ja(n) van oppendorp ja(n) spoel(a)rt/ en(de) wout(er) capelleman scepen(en) van lovene