Cond sij allen lieden dat arnt hubens van testelt es comen in jegenwordicheyt/ d(er) scepen(en) van lovene en(de) heeft genome(n) en(de) bekent dat hi genomen heeft van/ h(er) janne van scoenhove(n) ridde(r) de molen des selfs h(er) jans mette(n) huse daer toe/ hoe(re)nde gelege(n) neve(n) thof te rillaer te houden en(de) te hebben van kerssavo(n)de/ naest comende ene(n) t(er)mijn van drien jae(re)n d(aer) na sond(er) myddel volgende elx/ jaers daer in bynne(n) om xiiii mudde(n) rogs goet en(de) payabel d(er) mate(n)/ va(n) lovene en(de) xx placken den voirs(creven) h(er) janne d(aer) af te betale(n) alle jae(re)/ den voirs(creven) t(er)mijn duer(ende) tv(ir) te weten telke(n) vierdele vande(n) jae(r) [een] tvierdeel/ vande(n) voirs(creven) rogghe en(de) vande(n) voirs(creven) gelde en(de) telke(n) t(er)mijne alse v(er)volghde scout/ en(de) es vorwerde dat de voirs(creven) arnt hubens den voirs(creven) h(ere)n janne geve(n) sal ten/ eynde vande(n) voirs(creven) t(er)mine alse voer s tslite(n) vande(n) steene(n) te weten van elke(n)/ duym slitens twee oude scilde ofte de werde d(aer) af ter goder waerheyt
//
en(de) de voirs(creven) arnt hubens sal de voirs(creven) molen houde(n) van ka(m)men en(de) van spillen/ den voirs(creven) t(er)mijn duer(ende) sonder des voirs(creven) h(er)jans cost en(de) de voirs(creven) h(er)jan salse/ houden op sine(n) cost van allen ande(re)n werde des d(aer) aen behoeft Oec es vorwerde/ soe waer de voirs(creven) mole(n) stille laghe(n) bove(n) viertie(n)nachte(n) daer af soude de voirs(creven)/ dat soude de voirs(creven) h(er) jan de(n) voirs(creven) arnde afcorte(n) na gelande vande(n) tide mar/ soe waer si stille lage bynnen [beneden de t.] xiii nachte(n) wae die dat dat geviele dat soude/ sijn op des voirs(creven) arnts cost en(de) d(aer) af soude de voirs(creven) h(er) jan ongehoude(n) sijn/ Welke vorw(er)de(n) [en(de) p(ay)my(n)ten] bove(n) bescreve(n) de voirs(creven) arnt in deen side en(de) h(er)jan in dander/ hebbe(n) geloeft malc den ande(re)n wel en(de) volcomelic te houde(n) en(de) te voldoen in alle/ d(er) [voege(n) en(de)] manie(re)n bove(n) bescreve(n) quol(ibet) ass(ecutum) [en(de) alle(n) t(er)mine alse v(er)volghde schout] en(de) des sijn borghen des voirs(creven) arnts alse/ p(ri)n(cipa)[le] sculd(ere) onges(undert) (et) onscheide(n) henric hubens de jonghe matheeus hubens/[en(de)] reyner vande(n) rade va(n) arscot de welke [de voirs(creven)] arnt hubens heeft geloeft d(aer) af/ scadeloes te houden tontheffen Hier wae(re)n [ov(er)] jan de witte en(de) gielijs de rike scepen(en)/ van lovene gegeve(n) [dit geschiede en(de) was gedaen] int jae(r) ons he(re)n doeme(n) screef dusent vierhondert en(de) twelve/ des neghentiensten daeghs in decembri