Cont sij allen d liede(n) die dese he(re)n selen sien of en(de) hoe(re)n lese(n) / Item es vorw(er)de [dat een vorw(er)de gemaect en(de) v(er)drage(n) is] tusschen gorde va(n) ee(re)nboudegem in deen side en(de) henr(icke) / colve op dande(re) [side] alse va(n) hoe(r) beyd(er) erve bi een geleg(en) inde cortst(ra)te /[ind(er) manie(re)n h(ier) nae volg(ende)] dat de selve gorde en(de) henr(ic) tusschen hoe(r) beyd(er) erve en(de) op hoe(r) / beyd(er) gemeynd(er) cost selen doen maken ene(n) steyne(n) moer tot d(er) ond(er)st(er) / scagen des vors(creven) henr(ix) en(de) niet hog(er) ond(er)halven steen dicke de welke / hen beyde(n) toebehoe(re)n sal In welke(n) moer elc va(n) hen sijn p(ro)fijt mach / doen maken sond(er) den moer te faelge(re)n En(de) alse vand(er) want des / vors(creven) henr(ix) vande(n) vors(creven) moere opw(er)t tot den eynde vande(n) dake des / vors(creven) gords come(n)de ten goede(n) w(er)t des vors(creven) henr(ix) Es vorw(er)de dat / henr(ic) vors(creven) sijn vors(creven) want laeten sal va(n) sijnre side(n) alsoe dat / gorde te sine(n) huyse w(er)t d(aer) af ghene(n) co(m)mer en come En(de) vand(er) selv(er) / want vande(n) eynde vande(n) dake vors(creven) opw(er)t Es vorw(er)de dat henr(ic) die / behange(n) sal moge(n) op dat hi wilt met trechelen en(de) v niet vyede(re)n / met stroe in alsulk(er) voege(n) ocht ghevielt dat h(ier) naemaels de / vors(creven) gord hog(er) ty(m)me(re)n woude dan sijn tymmeringe nu steet dat / henr(ic) vors(creven) hem dan tvors(creven) behangsel va(n) trechelen ruyme(n) sal en(de) / oec de lijste van sine(n) dake afdoen alsoe dat gorde vors(creven) d(aer) af gheen / belett en come [Behoudelec dien dat gord in die(n) want vande(n) moere opw(er)t gheen recht hebben en sal] En(de) voert vande(n) wate(re) come(n)de vande(n) huyse des vors(creven) / gords ten goede(n) w(er)t des vors(creven) henr(ix) Es vorw(er)de dat henr(ic) vors(creven) tghe / deelte van dien wate(re) leyden sal vande(n) vorsten gheevelke(n) te hem / w(er)t come(n)de vande(n) huyse des vors(creven) gords acht(er) w(er)t uut ov(er) sijn erve / alsoe v(er)re als des vors(creven) henr(ix) nuwe huys strect en(de) niet vorde(r) en(de) de vors(creven) / gord sal tgedeelte vande(n) vors(creven) wate(r) leyde(n) vande(n) vors(creven) gheevelke(n) voe(r) / ter cortst(ra)te w(er)t uut sond(er) argelist borch(oven) ty(m)ple no(vem)[br(is)] qui(n)ta /