Cont sij allen lieden want stoet en(de) dissencie geweest hebben tusschen / ja(n)ne je(n)net van goy in deen side en(de) andriese lonchon van goy in dande(re) side / va(n) alrehande(n) ontameleke(n) worde(n) die sij deen ten ande(re)n uut(en) gesproke(n) moge(n) / hebbe(n) Soe sijn beyde de vors(creven) p(ar)tien des come(n) voe(r) scepen(en) va(n) lov(en) en(de) sijn / va(n) allen den vors(creven) stoete en(de) dissencien en(de) va(n) allen saken en(de) stucke(n) die deen / tot de(n) ande(re)n te segge(n) mach hebbe(n) tot op de(n) dach va(n) heden bleve(n) in segge(re)n / en(de) in vriendelec yffene(re)n te wete(n) de vors(creven) jan in ja(n)ne v colarde va(n) / sart en(de) de vorscr(even) andries in colarde li charlir In alsulk(er) voegen / dat beyde de vors(creven) p(ar)tyen de(n) vors(creven) segge(re)n hoe(r) [redene en(de)] bescheit bibri(n)gen en(de) [selen] hen d(aer) / af informacie doen nae hoe(r) beste d(aer) op dat de selve segge(re)n v(er)hoe(re)n sele(n) / mogen d(er) eenre p(ar)tien w(aer)heit en(de) d(er) and(er)re en(de) hen v(er)sinne(n) en(de) bevroede(n) / nae hoe(r) goetdunke(n) en(de) hoe(r) segge(n) d(aer) af p(ro)noncie(re)n en(de) uutene(n) voe(r) scepe(ne)n / va(n) goy tusschen dit en(de) s(ent) andries misse naest come(n)de En(de) hebbe(n) geloeft / beyde de vors(creven) p(ar)tyen vaste en(de) gestedich te houde(n) soe en(de) te voldoene soe / wes de vors(creven) twee segge(re)n d(aer)af eendrechlec segge(n) en(de) p(ro)nocie(re)n selen op / ene(n) banduyn va(n) xx crone(n) tot [behoef] onss liefs genedichs he(re)n wege(n) va(n) brab(an)t / ty(m)ple mulke no(vem)[br(is)] vii [a] /