It(em) henric van riemena(m) [henric vand(er) haert va(n) ov(er)loe] in jegenwoerdicheyt der scepen(en) van lovene gestaen heeft/ gehuert en(de) bekent dat hi gehuert heeft jegen henricke van riemena(m) [een] huys/ met ene(n) bogarde en(de) met ene(n) beemdeke(n) d(aer) aen gelege(n) en(de) met ene(n) duyfhuse oec/ d(aer) bi gelegen ge [en(de)] met sine(n) toebehoerte(n) gelijc dat dese goede gelege(n) sijn te/ rixvonde(re)n bute(n) lovene tusschen de voere aldaer en(de) tusschen de goede wencelijns/ tsh(er)toge(n) stre[c]kende aende veste va(n) lovene te houden en(de) te hebbe(n) va(n) sunte/ m(er)tens misse lest leden ene(n) t(er)mijn va(n) sesse jae(re)n d(aer)na sond(er) myddel volgende/ elcs jaers daer en bynnen o(m)me iii gulden(en) crone(n) d(er) mu(n)te(n) skoninx va(n) vrancrike/ goede en(de) gheve ocht de werde d(aer) af half te sinxte(n) en(de) half tsunte m(er)tens misse/ te betale(n) [alle jaer] den voirs(creven) t(er)mijn durende en(de) telke(n) t(er)mine als v(er)volghde schout En(de)/ es vorw(er)de dat de voirs(creven) henric vand(er) haert tvoirs(creven) duyfhuys sal spisen/ nu ten yerste(n) jae(re) in doexstmaent naest comende met vijftich paren duven/ En(de) de voirs(creven) henric vand(er) haert sal den tsijs vande(n) voirs(creven) goede(n) betale(n)/ En(de) de willige(n) op tvoirs(creven) erve staende sal hi truncke(n) en(de) te(n) behoerlike(n) tide/ en(de) den loke d(aer) af te hebbe(n) te sine(n) p(ro)fijte Behoudelijc dien dat hi de/ voirs(creven) goede d(aer) af [sal] houde(n) sal en(de) ten sine(n) afscheide(n) late(n) wel en(de) loflec/ bevreedt En(de) de husin vors(creven) huys en(de) tduyfhuys wel en(de) loflec houde(n)/ van wande(n) en(de) va(n) dake En(de) soe waer enighe willige de v(er)droeghde/ die sal de vors(creven) henr(ic) vand(er) haert afdoen en(de) hebbe(n) en(de) d(aer) voe(r) [elke] ii pote(n)/ wed(er) setten En(de) soe wa(n)neer oec de voirs(creven) henric [va(n)d(er) haert] de willige(n) trunct/ dan sal hi setten ii [iii] ocht iiii poten op tvoirs(creven) erve daert meest [alre] p(ro)fij[te]lexte/ es En(de) gheen and(er) opgaende hout af houde [en sal hi] houwen het en waer dat/ dat hinderlec wae(re) de(n) voirs(creven) duyfhuse behoudelec dien dat hi aenden/ p(er)re aldaer staende niet houwen en sal pynnoc borchove(n)/ januarii quinta