It(em) henric de molne(re) van holsbeke es come(n) voer scepen(en) van lovene en(de) heeft geloeft/ op sijn lijf en(de) op sijn goet en(de) op soenbreke en(de) lantbreke te sijn soenbreke en(de)/ vredebreke te sijn dat hi nu(m)me(er)meer hatye vede viantscap noch wangonst/ drage(n) noch doen en sal tot kerstiaen gherams sinen swagher noch kath(el)ine/ sine(n) wive zust(er) des voirs(creven) henr(ix) o(m)me des wille dat hi te loeven(en) gevange(n)/ en(de) gehoude(n) heeft geweest va(n) hae(re)n wege(n) noch o(m)me engheen ande(re) sake wat/ dadt sijn mach die gheschiet es ocht wesen mach tot opte(n) dach van/ hede(n) Behoudelec dien heeft hi hen yet te eyssche(n) ocht aen te spreke(n) dat/ hi dat doen mach voe(r) de(n) meye(r) en(de) scepen(en) va(n) loeven(en) met den rechte hier/ wae(re)n ov(er) henric vande(n) borchove(n) en(de) hubrecht va(n) b(er)them scepen(en) va(n)/ loeven(en) Anno m[mo] cccc[mo] xiiii[mo] me(n)s(is) dec(embris) die xxviii