Het sijn come(n) in rechte voe(r) den meye(r) en(de) scepe(ne)n van loven(en) woute(r) van beeringe(n) voer hem en(de)/ arnde van beeringen sinen brued(er) die ov(er)mids vo(n)nisse van scepe(ne)n brieve(n) van loven(en) hen/ bekent van henric van scaffen(en) beleydt sijn mette(n) meye(r) en(de) scepe(ne)n van loven(en) tot alden goede(n)/ have en(de) erve des selfs henrics soe waer sij belege(n) sijn Seggende de selve woute(r)/ dat hem philips vand(er) elst die dochter heeft stas wilen raets der voirs(creven) goede ongebruyc/ dade versuekende datmen den selven philips in dien hadde dat hi sijn hande afdade ende/ hem dier goede peysselec en(de) vredelec liet gebruyke(n) (et)c(etera) Daer op dat de selve philips/ hem v(er)antw(er)de met sine(n) gelev(er)den voersprake seggende dat hi nae staet der heyleg(er) kerke(n)/ getruwet hadde kateline(n) dochter stas raets die sone was lijsbette(n) van loven(en) die wijf wilen/ was pelgrijm raets en(de) ov(er)moed(er) der selv(er) kateline(n) de welke lijsbet in hoe(re)n weduwestoele/ hem bekendt hadde ene(n) scepe(ne)n brief van arschot voer de scepe(ne)n van arschot metten welke(n)/ hi hem hadde doen beleyden inden selven hoe(re)n weduwestoele tot alden goede(n) d(er) selv(er) lijsbetten/ soe waer sij inden lande van arschot gelege(n) wae(re)n meynende daer o(m)me dat hem der selv(er)/ lijsbetten goede volghen souden en(de) sculdich wae(re)n te volghene en(de) niet den voirs(creven) arnde mids/ den beleyde dat hi gedaen mochte hebben tot den goeden des voirs(creven) henrics van scaffene(n) want lijsbette(n) goede den voirs(creven) henric [raet] niet toe en hoerden [noch] sculdich en wae(re)n toe te hoe(re)n hoe/ dat hi seggen mochte dat hi de selve lijsbet getruwet hadde des niet en wa(r)e noch billic/ gheen huwelec sculdich en ware te sine neve vele redene(n) die hi daer toe seggen dede Daer/ op dat de voirs(creven) woutt(er) van beeringen hem beriet en(de) dede segghen sine(n) gelev(er)den voersprake/ dat de selve henric tot dies goede dat hi beleydt ware getruwet hadde nae staet d(er) heyleg(er) kerke(n)/ der voirs(creven) lijsbette(n) van lovene en(de) dat dat waer was dat boet de selve woute(r) te bethoene(n)/ alsoe hi dat sculdich wa(r)e te bethoene(n) mette(n) minsten daer hi mede liden mochte inden/ rechte oec seyde de selve woute(r) dat hi na dat de selve henric der voirs(creven) lijsbette(n) getruwet/ hadde gelijc voirs(creven) es beleydt waert tot den goeden des voirs(creven) henrics van scaffene(n) dwelke/ hi oec boet te bethoene(n) Alsoe dat na aensprake en(de) nae antw(er)de de voirs(creven) scepe(ne)n van loven(en)/ gemaent wijsden de voirs(creven) p(ar)tien tot hoe(re)n thoenissen en(de) dae(re)n teynden recht alsoe dat/ de voirs(creven) philips thoende sijn scepe(ne)n brieve van arschot daer mede dat hi beleydt was/ tot den goede(n) der voirs(creven) lijsbetten en(de) dat dat geschi[e]de in hoe(re)n wedustoele oec dede de/ selve philips aldaer verhoe(re)n alrehande p(er)soene die droeghen dat nae vele stucke(n) die sij/ daer toeseyden billic gheen huwelec sijn en soude tusschen henricke en(de) lijsbette(n) voirscr(even) et t(an)t(um)/ Daer nae thoende de voirs(creven) woute(r) van beeringen met he(re)n henricke he(re)nmeys p(ro)chiaen d(er)/[kerke van arschot te dier tijt dat hij d(aer) bi ende over was] daer hi truwede nae staet d(er) heyleg(er) kerke(n) den voirs(creven) henric met lijsbette(n) van loven(en) en(de) dat/ was met hoe(re)n dancke en(de) wille en(de) dat d(aer) bi en(de) aen wae(re)n [veel] goede(n) liede weerdich van trouwe(n)/ en(de) van geloeve die dat selve oec droeghen en(de) tuyghden voe(r) scepe(ne)n van lovene dat sij daer bi en(de)/ aen wae(re)n daer de selve henric nam d(er) voirs(creven) lijsbetten en(de) trouwede tot ene(n) wittige(n) wive
//
en(de) dat sij seyde dat dat was hoirs danx en(de) hoirs willen Voert thoende en(de) dede lesen de voirs(creven)/ woute(r) den beleyt brief daer mede dat hi beleydt w(er)t ende sijn brued(er) tot den goeden des voirs(creven)/ henrics van scaffen beyde have en(de) erve met meer thonissen die de selve woute(r) noch dede Alsoe/ dat nae thonissen van beyden p(ar)tien gehoert en(de) geschiet de scepe(ne)n van lovene gemaent vande(n)/ meyer van loven(en) hen wel berade(n) en(de) hen op de voirs(creven) sake gheaviseert wijsden voer een/ vonnisse en(de) recht nae aensprake nae antw(er)de en(de) nae thonisse van beyden p(ar)tien en(de) nae/ al dats voe(r) hen come(n) was dat alsulke(n) have als de voirs(creven) lijsbet hadde en(de) houdende was/ tarschot ter tijt dat de voirs(creven) philips tot den goeden der selv(er) lijsbetten beleydt was/ den selve(n) philips en(de) sinen beleyde volghen soude en(de) dat alle ande(re) have en(de) goede soe/ waer sij belegen sijn die de voirs(creven) henric en(de) lijsbet sijn wijf houdende sijn den voirs(creven)/ woute(re)n ende sinen beleyde volghen souden Hier wae(re)n over jan vande(n) borchoven/ lodewijc roelants wouter de sw(er)tvege(re) jan vanden tympele jan gheerts pet(er) willem(air)/ en(de) henric van mulke scepenen van lovene int jaer ons he(re)n m cccc xiiii maii iiii[ta]