Cont sij allen lieden want stoet en(de) tebat geweest hebbe(n) tusschen ja(n)ne/ van herluez in deen zijde en(de) ja(n)ne en(de) ja(n)ne van herluez [den berge] in dande(r) zide/ van eenre wy(n)ingen gelege(n) tot offus die de vors(creven) jan vande(n) berge/ vande(n) vors(creven) janne van herluez gehoude(n) heeft dair af dat de vors(creven)/ jan van herluez meynde dat de vors(creven) jan vande(n) berge te he(m) wert/ in gebreke was en(de) jan vande(n) berge meynde dat jan van herluez/ vors(creven) dair af te hem wert gehoude(n) wae(re) vanden welken stoete Ende/ vande(n) selve(n) stoete beide de vors(creven) p(ar)tien hen gekeert hadde(n) in segge(re)n/ en(de) vriendelec yffene(re)n te weten de vors(creven) jan van herluez he(re)n henr(icke)/ van attenhove(n) p(ro)chiaen van ra(m)melliez en(de) in wille(m) uuter helcht/ en(de) de vors(creven) jan vande(n) b(er)ge in henr(icke) van lyere en(de) ja(n)ne vanden/ meersberge inder voeghen dat tco(m)p(ro)mis voer scepen(en) van lov(en)/ d(aer) op gemaect begrijpt en(de) inhoudt Soe eest dat de vors(creven)/ iiii segge(re)n die hen den last vanden vors(creven) segge(n) aenghenome(n) hebbe(n)/ ov(er)gehadt beide d(er) p(ar)tien heyschen en(de) verantw(er)den hen dair op/ wel berade(n) en(de) versint en(de) gheaviseert hebbe(n) hoe(r) segge(n) sijn/ come(n) voe(r) scep(enen) van lov(en) en(de) hebbe(n) hoir segge(n) vanden vors(creven)/ gescille geseeght en(de) v(er)cleert van poente te poente ind(er) manie(re)n/ hier nae volg(ende) Inden iersten opt poent dair de vors(creven) jan va(n)de(n) b(er)ge/vande(n) b(er)ge heyscht de bet(er)nisse dat hi de vors(creven) goede van herluez heyschende heyscht de bet(er)nisse dat hi de vors(creven) goede gebetert heeft/ / Soe es hoe(r) segge(n) eest alsoe dat hi gethoene(n) can dat hi meer/ besaeyt heeft en(de) dat hi de vors(creven) goede meer gebetert heeft/ dan hise vant dat dan de vors(creven) jan van herluez den vors(creven) ja(n)ne/ vanden b(er)ge dair af rastoir doen sal ter taxacien van goede(n) knape(n)/ It(em) als vanden poente inhoudende dat de vors(creven) wy(n)ne heyscht/ half de vrocht acht(er) den torre Soe es hoir segge(n) dat jan/ van herluez hem die helcht d(aer) af [van dier vrucht] oprichten sal [ter taxacien va(n) goede knapen] It(em) als/ vanden poente dair in dat vors(creven) wy(n)ne heyscht he(m) te volge(n)/ de helcht vanden xviii roeden corens soe es hoir segge(n)/ dat den vors(creven) ja(n)ne vande(n) berge de helcht d(air) af volge(n) sal nae/ tverlyen dat hem jan van herluez verlijt Ende alse vande(n)/ iii dachmale(n) en(de) vanden ii boende(re)n int tselve point begrepe(n)/ dair af dat de vors(creven) wy(n)ne de helcht heyscht hem te volge(n)/ soe es hoir segge(n) alsoe verre als men ter vaerheit/ kent dat hi meer besaeyt heeft dan hijs vande(n) ii boende(re)n/ en(de) iii dachmaele(n) besaeyt vant dat dat de vors(creven) jan/ van herluez de(n) vors(creven) sine(n) wy(n)ne oprichte(n) sal ter goed(er)/ knape(n) prise gelijc begrijpt dierste clausel bove(n) bescr(even)/ It(em) als vande(n) ond(er)halve(n) boende(r) lants die jan vande(n) berge/ besaeyt soude hebbe(n) met raepsaede en(de) dat hi segge(n) wilt/ dat hem jan van herluez dat verbode(n) soude hebben/ soe es hoir segghe(n) dat jan vanden berge den vors(creven) ja(n)ne/ van h(er)luez betalen sal vi dosine(n) saets It(em) als vanden/ poente dair jan van herluez heyschende es den vors(creven) ja(n)ne/ vande(n) berge want hi sinen heysch in dierste clausule/ begrepe(n) als vanden hoeye te thoene(n) byet Dat de vors(creven)/ jan van herluez dat thoene(n) sal en(de) soe waer hijt getoene(n)/ can soe sal de vors(creven) jan vande(n) b(er)ge he(m) dat oprechte(n) ter/ goed(er) knape(n) prise It(em) vanden pointe dair de vors(creven) jan/ van herluez heyscht de(n) vors(creven) sine(n) wy(n)ne ja(n)ne vanden/ b(er)ge een deel crucke(n) seker q(uan)titeyt van crucken soe/ es hoir segge(n) dat jan vanden b(er)ge nae tverlyen/ dat hi kent en(de) lijdt den vors(creven) ja(n)ne van herluez/ vernuege(n) sal van c en(de) iiii scone(n) crucken ter goed(er)/ / knape(n) prise It(em) als vanden pointe dair in dat jan van/ herluez heyscht ja(n)ne vanden b(er)ge xv[c] walme(re) x min/ soe es hoir segge(n) dat de vors(creven) jan vande(n) b(er)ge den vors(creven) ja(n)ne/ van h(er)luez die xv[c] walme(re) x min betale(n) sal en(de) he(m) dair/ af vernuege(n) ter goed(er) knapen prise oft dair af betalinge(n)/ den vors(creven) ja(n)ne van h(er)luez bewijse(n) It(em) als vande(n) iiii pointe/ inhoudende van ii(½)[c] willege(n) en(de) vande(n) loeke dat de soe/ es hoir segge(n) dat de vors(creven) jan vande(n) berge hebben sal alden/ loeke inder p(ri)ncipaeld(er) cedule(n) begrepe(n) jae alsoe v(er)re als/ hi gheene(n) loeke afgehouwe(n) en heeft ter siden w(er)t ten/ hove van bordeal die meest(er) jan heeft den welken/ oft me(n) bevynden can dat de vors(creven) jan vande(n) berge/ afgehouwe(n) heeft soe es noch hoir segge(n) dat hi van dien/ loeke den vors(creven) ja(n)ne van h(er)luez rastoir doen sal ter goed(er)/ knape(n) prise Item als vanden pointe beg(ri)pende van iii/ dosinen saets soe es hoer segge(n) dat de vors(creven) ja(n) vande(n) b(er)ge/ den vors(creven) ja(n)ne va(n) herluez vernuege(n) sal van iii dosinen/ saets ii jair lanc duerende die te gade(r) make(n) ix [vi] dosinen/ het en sij dat hi betalinge dair op gethoene(n) can It(em) als/ vande(n) pointe dair in dat jan van herluez heyscht den ned(er)ste(n)/ wynkel vand(er) schue(r) om sijn vrucht dair in te legge(n) en(de) dair/ af dat jan van herluez meynt te hebbe(n) de hueringe mids/ dat hi sijn vrucht eld(er)e legge(n) moeste soe es hoir segge(n)/eest d alsoe dat de vors(creven) jan van h(er)luez tot sijnre eet/

neme(n) wilt vande(n) berge es sculd(ich) te betale(n) de(n) vors(creven)/ ja(n)ne va(n) h(er)luez de huerenge vand(er) [vors(creven)] schueren [sculdich es te betale(n)] It(em) op point/ vande(n) iiii boende(re)n corens die jan van h(er)luez eyscht den/ vors(creven) ja(n)ne vanden b(er)ge mids datme(n) dair op gheen/ core(n) gesien en can soe es hoir segge(n) waer jan vande(n)/ b(er)ge gethoene(n) can dat hi die iiii boend(er) gewo(n)nen en(de) besaeyt/ heeft gelijc sine(n) reengenote(n) dat hi d(aer) mede gestaen sal/ Voert segge(n) de vors(creven) segg(er)s eendrechtichlec aengesien beyde der p(ar)tien den der p(ar)tien reden(en) en(de) besceyt dat de vors(creven) jan vande(n)/berge dat de vors(creven) jan vanden berge als vande(n) hoeye vanden/ crucken den vors(creven) ja(n)ne van herluez genoech doen sal/ binne(n) xiiii nachten naist come(n)de gelijc vors(creven) es Ende van/ allen ande(re)n saken soe selen beide de vors(creven) p(ar)tien malcande(re)n/ genoech doen binne(n) meys naistcomende En(de) met desen/ / bove(n) bescreve(n) en(de) nae al dat dat voe(r) hen come(n) es/ soe segge(n) de vors(creven) segg(er)s voer een segge(n) dat beide/ de vors(creven) p(ar)tien malcande(re)n v(er)enicht en(de) vereffent/ sijn selen van alle(n) saken nae heysch en(de) verantw(er)den/ en(de) nae al dat voer he(n) come(n) es b(er)them ca(pelle)[ma(n)] ap(ri)l[(is)] xxvii