It(em) cont sij allen liede(n) dat van alsulke(n) stoete en(de) gescille als geweest es/ tusschen woute(re)n delle fontayne in deen side en(de) robine van aynynez in/ dande(r) side alse van xxxiiii siste(re)n pacht tarwen der maten van geldenake/ die de vors(creven) woute(r) den vors(creven) robb(er)t heyssche(n)de es Soe sijn beide de vors(creven)/ p(ar)tien come(n) voe(r) scep(enen) van lov(en) en(de) sijn van allen den vors(creven) stote bleve(n) in/ segge(re)n en(de) vriendelec yffene(re)n te wete(n) de vors(creven) woute(r) in ja(n)ne ha(n)nart/ en(de) ja(n)ne rasijn en(de) de vors(creven) robert in everarde de vivir? en(de) huwart/ daynynez in alsulken voege(n) dat de vors(creven) woute(r) den vors(creven) robert/ sinen heysch overgheve(n) sal binne(n) viii dage(n) naistcome(n)de die sijn/ verantwerde(n) d(aer) op make(n) sal binne(n) viii dage(n) dair naist volg(ende)/ op alsoe dat beyde de vors(creven) p(ar)tien eysch en(de) verantwerde(n) dan b(ri)nge(n)/ selen bi den vors(creven) iiii segg(er)s die hoir segge(n) d(aer) op segge(n) selen/ binne(n) viii dage(n) d(aer) naist volgende op dat sijs eens sijn en(de) soe/ waer sijs niet eens en worde(n) dat si dan eysch en(de) verantw(er)de(n)/ bringe(n) selen voe(r) scepen(en) van lov(en) en(de) dair af hale(n) een hoetvo(n)nisse/ gelijc ofs p(ar)tien mette(n) rechte gedinct hadde(n) En(de) hebbe(n) geloeft/ de selve p(ar)tien vaste en(de) gestedich te houde(n) soe wes de vors(creven) iiii/ segge(re)n eendrechtichlec seggen oft scepen(en) van lovene hen voir/ een vo(n)nisse gheve(n) en(de) leeren selen borch(oven) boxh(oeren) ap(ri)l(is) xxvii