Het sijn comen in rechte voe(r) den meye(r) ende scepen(en) van loven(en) adaem diederic/ ende henric bogarts gebruede(re) soene henrix wilen bogarts henric vanden borne/ en(de) henric wickenvorst swag(er)s der voirs(creven) gebruede(re) in deen side jan vanden stalle/ jan vanden ekelhoven ende jan grieten die ov(er)mids vo(n)nisse van scepenen brieve(n) van/ lovene beleidt sijn tot den goeden jans uuten broeke in dander side Daer de voirs(creven)/ gebrued(er)s en(de) hoe(r) swagers een aensprake deden tot den voirs(creven) janne van stalle en(de)/ sinen medegesellen seggende dat sij met hoe(re)n voirs(creven) beleide verdoelt wae(re)n aen/ iiii boender onder lant eeusel en(de) wijng(ar)t ocht d(aer) omtrent gelijc dat sij belegen/ sijn inde p(ro)chie van aerschot tusschen de strate daermen gheet te ghimel wert/ jeghen dlant jan fierens alder naest den wijng(ar)de jan deens ende alder naest den/ wijng(ar)de des gasthuys van arschot en(de) alder naest den goeden jan wilen bogarts/ neven de strate daer men gheet van arschot te hersselt w(er)t en(de) oec neve(n) de goede/ willem morre henrix vander coevoert en(de) jans [wijf] wilen machiels bi des(en) redenen/ Want sij hadden enen vader die geheten was henric boegart en(de) een moeder die/ geheten was lijsbeth diederix d(er)re wittige kinde(re) dat sij wae(re)n ende woude hen/ dat yemant ontkynnen hoe(r) vader en hadde hoe(r) moeder getruwt en(de) sij en wae(re)n/ wittighe kinde(re) hoe(r) beider dat boden sij te thoenen also si dat nae den rechte/ sculdich wae(re)n te thoenen en(de) metten mynsten daer sij inden rechte met liden/ mochten Ende seide voert de voirs(creven) gebruede(re) en(de) hoe(r) swag(er)s dat jan van stalle/ en(de) sine medegesellen mids hoe(re)n voirs(creven) beleide de voirs(creven) goede tonrechte aenveerdt/ hadden en(de) niet te rechte want henric bog(ar)t en(de) lijsbeth diederix vader en(de) moeder/ der voirs(creven) gebruede(re) de voirs(creven) goede besaten ende hielden doen sij lijfden en(de) leefden/ alse hoere wittich erve en(de) dat lijsbeth hoe(r) moeder voer daer uut starf als uut/ hoe(re)n ervs en(de) dat henric bog(ar)t hoer vader daer inne bleef sittende als een tochte(re)/ ende dat boden sij te thoenen also sij dat sculdich wae(re)n te thoenen [en(de) mette(n) mynsten] daer sij/ inden rechte mede liden mochten Voert boden sij te thoenen dat lijsbeth diederix/ hoe(r) moeder inde voirs(creven) goede gegoedt en(de) gheerft was hoe wael dat sij/ daer gheen brieve af en hadden en(de) [dat] boden sij te thoenen metten vinders/ vanden hove die over die voirs(creven) goedinghe wae(re)n Voert seiden sij en(de) deden segge(n)/ dat sij wael geloefden dat op tijt voerleden vanden selven goeden een ghedin/ ghe gheweest hadde tusschen henric bog(ar)t [hoe(re)n vader] in deen side en(de) lijsbette(n) jans/ smeets wijf was in dander side voer den meyer en(de) late jans he(re) van scoenhove(n)/ in sinen hof taerschot daer lijsbet jan smeets wijf voirs(creven) aensprac de vors(creven)/ goede voer hoe(r) tocht daer op dat henric bog(ar)t hem met roekeloesheiden ver/ antwerdt mocht hebben ocht met simpelheiden dat de late des crocken aen/ de scepenen van arschot als hoer hoet ov(er) de scepen(en) van arschot quamen
//
des voert aen de scepen(en) van loven(en) als tot hoe(re)n hoede die den selven scepenen/ van arschot ghaven een vo(n)nisse dat de voirs(creven) lijsbet jan smeets wijf was/ hoe(r) tocht aen de voirs(creven) goede hebben soude ende seiden voert de vors(creven) gebrued(er)s/ en(de) hoe(r) swagers bij hoe(re)n voersprake al waest dat de vors(creven) lijsbet jan smeets/ wijf inde tocht ghewijst waert vanden voirs(creven) goeden mids simpelen en(de) crancke(n)/ verantwerden henric bogarts hoers vaders soe en meynden sij nochtan uut/ hoe(re)n voirs(creven) erve niet ontvreemdt noch ontbeerdt te sine daer hoer moeder/ uut starf gelijc voirs(creven) es en(de) daer hoer vader in bleef sittende als een tochte(r)/ hoewael dat sij aldus langhe gheswegen hadden dat was om dat sij den/ vo(n)nissen onderhoerich wesen wouden ende sij buten lants gheweest hadden/ en(de) dat lijsbet smeets van live t(er) doet nu come(n) wae(re) Hier op antwerden/ de voirs(creven) jan van stalle jan vanden elkelhoven en(de) jan grieten met hoe(re)n ghe/ leverden voersprake ende seiden dat jan wilen de smet voirgh(enoemt) de voirs(creven)/ goede hi en(de) sijn wijf te gade(r) hielden en(de) besaten doen sij lijfden en(de) leefden/ als hoer wittich erve en(de) dat die goede den selven janne den smet bleve(n)/ en(de) verstorven wae(re)n van sinen vorde(re)n en(de) dat de selve jan de smet uut den selve(n)/ goeden starf als uut sinen wittigen erve en(de) dat lijsbeth sijn wijf daer in/ bleef sittende als een tocht(er)sse en(de) dat boden sij te thoenen also sijt sculdich/ wae(re)n te thoenen metten mynsten daer sij met liden mochten inden rechte/ Oec seiden sij voert dat wel blijcte nae den vo(n)nisse dat uute den hoede/ van loven(en) comen was also de voirs(creven) gebruede(re) selve kenden en(de) lijdden/ daer mede dat de voirs(creven) lijsbet smeets ghewijst was hoer tocht te/ hebbene inde voirs(creven) goede dat hoer dat qualic hadde mogen geschien en/ hadde jan de smet hoe(r) man daer de goede af comen wae(re)n gheen erfman/ geweest en(de) dat de vors(creven) lijsbet smeets in hoer tocht gewijst wart dat bode(n)/ sij te thoenen metten vinders vanden hove daer de goede onder gelegen sijn/ en(de) oec met scepen(en) van arschot die tvo(n)nis haelden aen de scepen(en) van loven(en)/ Voert boden sij te thoene(n) dat de voirs(creven) jan uuten broeke tot dies goede/ dat sij beleidt wae(re)n de voirs(creven) goede wettelic ver gecocht en(de) vercrege(n)/ hadde jegen lijsbetten jans smeets wijf was voirs(creven) en(de) jegen hoe(r) erfgename(n)/ daer af dat hi goedinghe ende brieve hadde vanden hove daer de goede/ onder gelegen sijn daer mede dat de voirs(creven) jan vanden stalle en(de) sijn/ medegesellen boden te thoenen Voert seiden de selve jan vande(n) stalle/ en(de) sijn medegesellen dat henric wile(n) bog(ar)t der voirs(creven) gebruede(re) vad(er)/ de voirs(creven) goede hielt in hueringhen vanden voirs(creven) wilen janne den smet
//
doen hij lijfde ende leefde en(de) na sijn doet in hueringe(n) houdende/ bleef en(de) dat boden sij oec te thoene(n) also [sij] dat sculdich wae(re)n te thoenen/ metten mynsten (et)c(etera) voert seiden de voirs(creven) jan vanden stalle en(de) sijn medegeselle(n)/ dat t(er)tijt doen de voirs(creven) lijsbeth smeets de de voirs(creven) goede bedinghde voer hoe(r)/ tocht jegen henricke(n) bogart die hoer die goede af wynne(n) woude dat daem/ en(de) diederic henrix soene voirs(creven) met hoe(re)n vader ghingen en(de) stonden opt/ tvoirs(creven) ghedinge en(de) dat boden sij oec te thoene(n) metten mynsten daer sij/ inden rechte mede liden mochten Op welke aensprake ende antwerde/ de voirs(creven) scepen(en) van loven(en) gemaent vanden meye(r) van loven(en) wijsde(n) voe(r)/ een vo(n)nisse na aensprake en(de) antwerde want beide p(ar)tyen hen thoenissen/ vermeten hadden dat sij dat begheerden te aenhoeren ende dae(re)n teynde(n)/ recht op welken dach van thoene(n) de p(ar)tyen quamen met hoe(re)n ghe/ tuyghen Daer tuyghden [thoenden] de voirs(creven) gebruede(re) en(de) hoe(r) swag(er)s dat lijsbet/ hoer moeder uuten voirs(creven) goeden starf als uut horen erve en(de) dat hoer/ vader daer in bleef sittende als een tochte(r) voert thoenden sij met twee/ laten vanden hove dat de voirs(creven) lijsbet diederix hoer moeder inde vors(creven)/ goede ghegoedt ende gheerft was en(de) dat sij daer over wae(re)n als late/ en(de) des volghenden hen meer p(er)soen dat dat waer was voert thoenden sij/ dat hoer vader een huys dat op de voirs(creven) goede stont vercocht hadde/ mids dat sijn erve was en(de) dat gelev(er)t hadde den ghene(n) dien hijt/ vercochte Item tuyghden goede knapen dat de voirs(creven) gebruede(re) wae(re)n/ wettighe kinde(re) henric bogarts en(de) lijsbetten sijns wijfs Dits de/ waerheit jans van stalle en(de) sijnre medegesellen Inden eersten tuyghde(n) [thoenden]/ sij met goeden knapen verhoert ten heylgen alle de poente die sij hen/ vermeten hadden te thoenen en(de) voertmeer thoende(n) sij dat jan wilen/ de smet hout vercocht hadde dat op de voirs(creven) goede stont Also dat/ nae aensprake en(de) na antwerde en(de) na thoenisse van beyden p(ar)tyen/ de scepen(en) van loven(en) gemaent vanden meyer van loven(en) wijsden voer een/ vo(n)nisse nae aensprake na antwerde nae thoenisse ende na al dats voer/ hen comen was dat janne vanden stalle en(de) sinen medegesellen ende/ hoe(re)n beleide [de vors(creven) goede] volghen souden na al dats noch voer hen comen/ was H(ier) wae(re)n over jan vanden huffle jan vanden borchove(n) jan van/ nethene(n) henric van mulke peter willemair ende joes pauwels/ int jaer xiiii[c] xvi vijf daghe in meye