Cond si allen liede(n) dat jan van steenwinkele de leefdale es come(n) in jegenwor/ dicheyt d(er) scepen(en) van loeven en(de) [heeft] genomen en(de) bekendt dat hi genome(n) heeft va(n)/ janne va(n) duysborch w sone wilen willems [alle] de wynnende lande des selfs jans/ va(n) duysborch [houdende x boende(r) of daer omtrent] gelege(n) inde prochie van leefdale houde Te houden te hebbe(n) en(de)/ te wynnen van sente andries misse apostels naest comende ene(n) t(er)mijn/ va(n) neghe(n) jae(re)n lanc duerende deen na dand(er) daer na sond(er) myddel volgende/ elcs jaers daer en bynne(n) om acht mudde(n) rogs goet en(de) payabel met/ wanne en(de) met vede(re)n wael bereydt der maten van lovene Alle jaer/ tsente andries misse apostels te betale(n) en(de) tot loeven ter woeni(n)ghen/ des voirs(creven) jans van duysborch te leve(re)n en(de) telke(n) t(er)mijn alse v(er)volghde scout/ Ite(m) sal de voirs(creven) wyn de grechten grebben int voirs(creven) lant staende oft/ comende voll vullen en(de) houden sond(er) [cost] des voirs(creven) jans van duysborch oft/ En(de) de straten neven de voirs(creven) goede liggende wel en(de) cusbaerlic houden/ alsoe dat den voirs(creven) ja(n)ne van duysborch d(aer) af gheen scade ende come/[en(de) des sal de vors(creven) jan va(n) duysborch de(n) voirs(creven) wyn jaerlex [den vors(creven) t(er)mijn due(re)nde] geve(n) xx pl(a)c(ken)] Ite(m) sal de vors(creven) wyn de voirg(eruerde) lande [bynne(n) de(n) voirs(creven) t(er)mijne] een werf wel [en(de) cusbaerlic] ov(er)mesten de/ Ite(m) sal de selve wyn de vijf boende(r) lants gelege(n) neve(n) de kerchofst(ra)te/ laten ten eynde vande(n) voirs(creven) t(er)mijn te wete(n) half geheel en(de) half/ gheerijt en(de) al met stortvoren En(de) and(er)half dachmael gelege(n) aldaer/ neve(n) de voirs(creven) v boende(r) [en(de) een half boende(r) opt selve velt] sal de voirs(creven) wyn laten geheel [oec] met oec/ stortvo(r)en Ite(m) opt kerchofvelt sal noch de voirs(creven) wyn een dachmael/ lants gelege(n) opt kerchofvelt late(n) ten eynde vande(n) voirs(creven) t(er)mijn oec geheel/ met stortvo(r)en En(de) alle dande(re) lande sal de voirs(creven) wyn laten ten/ eynde vande(n) voirs(creven) t(er)mine gelijc hise vant [vandt] te sinen aencomen Welke/ vorw(er)de(n) [en(de)] punte(n) en(de) condicien [geluften] boven bescreve(n) heeft de voirs(creven) wyn [heeft] geloeft [den voirs(creven) janne va(n) duysb(orch)]/ wel en(de) volcomelic [te houde(n) en(de) te] te voldoen in ald(er) [vorme(n) en(de)] maniere(n) bove(n) bescreve(n) en(de) telke(n)/ t(er)mine alse v(er)volghde schout h(enric) borch(oven) pauwels julii xi