It(em) ja(n) de ridde(re) in jegenwordichheyde(n) der scepen(en) va(n) loeven gestaen en(de) heeft/ v(er)cocht en(de) bekendt dat hi vercocht heeft o(m)me ene(n) seke(re)n prijs die hem/ wael betaelt es janne van ype(re) [dieme(n) heet boschma(n)] sinen stiefvader een silve(re)n scale twee/ bedden en(de) sesse mettalen potte die de voirs(creven) jan van ype(re) onder heeft/ en(de) schuldech es [soude sijn] te hebbe(n) tot sijnre tocht en(de) de welke de(n) voirs(creven) ja(n)ne/ de(n) ridde(re) en hedde dese comanscap geweest [toe]gecomen en(de) bleven soude(n) hebbe(n)/ erflec na doet jans van ype(re) voirs(creven) gelijc haerre beyd(er) brieve [scepen(en) brieve va(n) loeven] daer op/ gemaect inhoude(n) en(de) begripen kennende en(de) lyende de voirs(creven) ja(n) de ridde(re)/ dat hi inde(n) voirs(creven) goede(n) niet rechts en(de) behelt noch sculdech en is te hebbe(n)/ h(enric) borch(oven) absoloens julii xxvi