Cond sij allen lieden dat reyner biset en(de) jan van voerde(e)l van ov(er)ysche/ sijn swager sijn comen in jeg(enwoirdicheit) der scepenen van loven(en) en(de) hebbe(n) geugheve(n)/ ende bekent dat sij gegheve(n) hebben adaem van meldert soen adaems wilen van/ meld(er)t thof geheten ten rieuwe gelegen inde p(ro)chie van wave(r) metten/ wynnende lande beempde(n) eeuselen en(de) allen sine(n) toebehoerten gelijc dat gheert/ h(er)nalsteens tvoirs(creven) hof met sinen toebehoerten aldaer te houde(n) plach en(de) noch/ met twee boende(re)n lants luttel myn oft meer dat jan poingart te houden/ plach uutgenome(n) een cleyn beempdeke(n) gelegen voer in [jan] poingarts porte was/ dat gemeyn veedeweye sal bliven liggen en(de) ene(n) hof voe(r) der banwette(n)/ die hein hagema(n) terve heeft genome(n) Te houden te hebben en(de) te/ wynne(n) van half m(er)te neest komen(de) ene(n) t(er)mijn van iii jae(re)n daer nae/ eenp(er)lic volgende elx jaers dae(re)n bynne(n) o(m)me lxxii(½) mudde roggen ende/

neghen mudde evene(n) corens [roggen] pacht van en(de) ix mudde evene(n)/elix elx corens goet en(de) payabel der maten [pacht en(de) mate] van wave(r) alle jaer/ te s(ent) andries misse apostels te betale(n) en(de) int voirs(creven) hof te leve(re)n/[uutgenomen xx mudde rogge die daer af die hi jaerlix te wave(r) sal leve(re)n daert den voirs(creven) reyne(re)n ald(aer) best sal gelieve(n)] alle jaer den voirs(creven) t(er)mijn due(re)nde en(de) telke(n) t(er)mine als vervolghdde/ schout Ende o(m)me xi [sympel] mottoene te weten xxviii pl(acken) voe(r) den dobbelen
//
mottoen gerekent te sente m(er)tens misse inden wynt(er) te betalen jairlix/ den voirscr(even) due(re)nde en(de) telken t(er)mine als schout mette(n) rechte v(er)volght/ met vorw(er)den dat de voirs(creven) wynne de voirscr(even) wynnende lande laten/ sal ten eynde van sinen voirs(creven) t(er)mine gelijc dat hise vant in sine(n) income(n)/ te weten den couter over de side te champels w(er)t tot aen den poel die/ gelege(n) es naest der hagen vande(n) tympelie(re)n met rogge bezaeyt op/ iiii getidege voren ende vande(n) selve(n) poel tot aen de hage oec met/ rogge bezaeyt op iii getidege voren Ende voert [desgelijx] dand(er) lande vanden/ selven arde liggende omtrent fockinzart oec op iii getidege voren/ bezaeyt met rogge Ende beide de coute(re)n voe(r) de porte tot aen den lesten/ poel die leeght naest der hagen vande(n) tympelie(re)n voirs(creven) de brake en(de) de/ storte eens gheerijdt Ende den hof voe(r) de porte en(de) den hof achter/ den ovenbuer plach te sijn oec ens o(m)me gheerijdt Oec so en sal/ de wynne int leste jaer gheen vande(n) voirs(creven) lande(n) mo bynne(n) den/

voirs(creven) t(er)mine moge(n) hoervruchten Ende de wynne sal alle jair den/ voirs(creven) t(er)mijn due(re)nde leve(re)n xv[c] custber walme(re) o(m)me de huysinge vande(n)/ voirs(creven) hove mede te decken Ende alsmen die aldaer verdect of [alsmen daer] anders/ yet ty(m)mert plect of dect soe sal de wynne den wercliede(n) den cost/ gheven en(de) daer voe(r) hebbe(n) van elken man dien hi also vuedt sdaeghs/ ix gr(ote) en(de) reyner en(de) jan selen den wercliede(n) de dachue(re)n bet(alen) It(em) de/ voirs(creven) wynne en sal gheen hout moghen houwen dan hagen doren en(de)/ breemen voert sal de voirs(creven) wynne alle ty(m)merhout dat jan en(de)/ reyner en(de) jan voirs(creven) bynne(n) den voirs(creven) t(er)mine op de voirscr(even) goede/ sele(n) doen houwe(n) en(de) daer toe leen en(de) ande(re) desmen tott(er) ty(m)meringe(n) / behoeve(n) sal halen en(de) vue(re)n int voirs(creven) hof daer voe(r) dat hi hebben/ sal alle den affal en(de) ov(er)hout vande(n) voirs(creven) ty(m)merhout comende Voert/ sal de voirs(creven) wynne allet stroe dat op de voirs(creven) goede wasse(n) sal int/ voirs(creven) hof wassen sal ver jairlix brenge(n) en(de) aldaer met sine(n) beeste(n) slite(n)/ en(de) ette(n) en(de) te meste make(n) ende dat dan wed(er) uut voeren opt voirs(creven)/ lant slants meeste(n) p(ro)fite Ite(m) de selve wynne sal jairlix vande(n) voirscr(even)/pachte viii voed(er) mest voiren op des voirs(creven) reyners en(de) jans wijng(ar)t/ aldaer en(de) de staken dieme(n) totte(n) selve(n) wijng(ar)de sal orbe(re)n sal hi oec hale(n)/ daerse de voirs(creven) reyner en(de) jan coepe(n) selen en(de) hem bewisen op de/ mile omgaens Ende alle dese voirs(creven) vli vlr vorw(er)den geloefte(n) en(de)/ condicie(n) hebbe(n) geloeft etc(etera) cor(am) py(n)noc ca(pelle)[man] no(vem)[br(is)] xvii