It(em) elisbeth die wijf was henrix wile(n) va(n) loen heeft gegeve(n) en(de) bekendt dat/ sij gegeven heeft robine(n) gehete(n) van hoeye van ov(er)wynde drie boende(r) lants/ of d(aer)omtrent gelijc also sijt houde(n)de is tov(er)wynde en(de) daer omtrent Te houde(n)/ te hebben en(de) te wynnen van halfm(er)te neest come(n)de ene(n) t(er)mijn van zes jare(n) lang/ deen na dand(er) staphants volgende [Elx jaers dae(re)nbynnen] om zes sacke en(de) zeven molevate corens pacht/ tarwen goet en(de) payable d(er) maten van thiene(n) te weten zes halster der selver/ maten voir ene(n) sac gerekent te s(int) andr(ies) misse apostels te betalen en(de) te love(n)/ ter woni(n)gen der voirs(creven) lijsbette(n) te leve(re)n [alle jaer] den voirs(creven) t(er)mijn due(re)nde en(de) telke(n)/ t(er)mijn als v(er)volghde schout Voert heeft geloeft de voirs(creven) robijn der voirs(creven)/ lijsbette(n) alle jaer [den voirs(creven) t(er)mijn due(re)nde ] alsulke xxiii molevaten corns als sij geldende heeft/ op jans gelege vanden b(er)ghe [tov(er)wynde gelegen] thuys vue(re)n en(de) brengen sal Voert is vurw(er)de/ want de voirs(creven) robijn tvoirs(creven) lant ten ingaen van sine(n) t(er)mijn bloet vant/ dat hijt daer om ten uutgaen [vande(n) selve(n) t(er)mijn] bloet laten sal oec is vurwarde [Ite(m) es oec gevorw(er)t] dat/ de voirs(creven) robijn den voirs(creven) t(er)mijn due(re)nde betalen sal al alsulken co(m)mer en(de) last/ va(n) pachte als ute(n) voirs(creven) goede(n) jairlix gaet sonder afslach vande(n) voirs(creven) pachte Maer/ alsulken co(m)mer van gelde als daer uut gaen mach [gheet] dien sal de selve wynne/ betalen en(de) de voirs(creven) lijsbeth sal hem daer af afslach doen vande(n) voirs(creven)/ pachte maer Ende de selve wynne sal inder manie(re)n voirscr(even) alle den co(m)mer/ en(de) last voirs(creven) [va(n) gelde en(de) va(n) pachte] also in tijts betalen dat der voirs(creven) lijsbette(n) daer af gheen/ schade en kome en(de) so waer sij d(aer) om schade lede dat de selve wynne hoe(r) de/ schade oprichten sal pynnoc ouderogge julii vi