It(em) arnt van ouckle wone(n)de te bynswijc inde p(ro)chie van wiltsele heeft genomen/ en(de) bekent dat hi genomen heeft tseghen willemen van ee(re)nboudeghem iii(½) boend(er)/ lants luttel min of me(re) gelege(n) inde p(ro)chie van wiltsele in veel p(ar)chelen en(de) stucken/ te weten daer af i boend(er) lants geleg(en) in de [t(er) stat gehete(n) ten] velde neve(n) erfens [de goede] willems roenbuc/ aen beiden siden Item i(½) dach(mael) lants geleg(en) aldaer opt langrot It(em) op i(½) [(½)] boender/ lants daer af en(de) xxv roeden gelegen op de boudens hoeve It(em) ii(½) dach(mael) lants/ opt hoechvelt gelegen [Ite(m) noch een boend(er) lants gelege(n) opte vrede brake] Te houde(n) te hebben en(de) te wynnen van halfm(er)te/ lestleden enen t(er)mijn van ix jae(re)n lang deen na dand(er) sond(er) middel/ volgen(de) Elx jaers dae(re)nbynne(n) op de helcht van alle der vrucht/ op de voirs(creven) goede jairlix wassende Item sal de voirs(creven) arnt den voirs(creven)/ willem alle jaer sijn helcht te sine(n) huys in sijn schue(re) ald(aer) ee [vueren] eer hi/ sijns selfs helcht rue(re)n of indoen sal moge(n) en(de) toeghste alsmen tko(ren)?/ opte voirs(creven) goede wassende bijnde(n) sal dan sal wille(m) d(aer) la [bi] come(n) of y(emant)?/ daer bij seinden die den voirs(creven) arnde helpe Ite(m) sal de voirs(creven) arnt
//
de voirs(creven) goede den voirscr(even) t(er)mijn due(re)nde wynne(n) w(er)ven ende/ meesten [wel en(de) loflic] gelijc sine(n) reengenoete(n) ende des sal hem de voirs(creven)/ willem tot den boender gelege(n) opte vredebrake also dicke alst/ de selve wille(m) gemest wilt hebben dmest gheven mar de/ selve arnt saelt in des voirs(creven) willems messie selve halen Item/ es vorw(er)de dat de voirs(creven) arnt de voirs(creven) lande late(n) sal ten eynde/ vande(n) voirs(creven) t(er)mijne gelijc dat hise vant in sine(n) income(n) te/ te wete(n) dboend(er) lants gelege(n) aen velde en(de) i(½) dach(mael) lants gelege(n)/ opt langrot gestordt Item Item dboend(er) opte vredebrake en(de)/ thalf boend(er) en(de) de xxv roede(n) opte boudens hoeve met rogge/ besaeyt Ende de voirs(creven) ii(½) dach(mael) lants gelege(n) opt hoeghvelt/ geheel Item oec es vorw(er)de dat de voirs(creven) arnt op de iii/ leste jaer vande(n) voirs(creven) t(er)mijn alle jaer op elc boend(er) vande(n)/ voirs(creven) lande vuere(n) sal xx voed(er) scat m scatvoed(er) mest slants/ meeste(n) p(ro)fite uutgenome(n) dboend(er) opte vredebrake en(de) dat sal/ arnt mesten uut des voirs(creven) willems messien also dicke alst/willems [willem] gemest wilt hebbe(n) en(de) and(er)s niet Item sal de voirs(creven)/ arnt den voirs(creven) willem [jairlix den voirs(creven) t(er)mijn due(re)nde] wynne(n) een bloexken lants gelege(n) in/ willems hof en(de) dat begrave(n) belouken en(de) bevrede(n) en(de) daer/ toe sal hem wille(m) den loec loke bewisen dae(r)t arnt hale(n) sal/ en(de) als wille(m) [arnt] dien haelt of alse hi aen tvoirs(creven) bloexken werct/ dan sal hem wille(m) sine(n) cost gheve(n) en(de) sine(n) p(er)den inde ond(er)stonde/ hoey en(de) weyde Item oec sal de voirs(creven) arnt den voirs(creven) willem/ alle jaer den voirs(creven) t(er)mijn due(re)nde halen v voed(er) corne opt moer/ en(de) alle sijn ander b(er)nynge daer de selve willem die bynne(n)/ der ba(n)mylen van loven(en) coepe(n) sal Ite(m) oec sal de selve arnt den/ voirs(creven) wille(m) jaerlix sijn mest [driewerven bynne(n) den voirs(creven) t(er)mine also veel mests] vue(re)n aen sijn vierdel wijngarts aen/ den calenberch gelege(n) [also daer hite(n) weselic mede mach ov(er)mesten] en(de) dan sal willem hem en(de) sine(n) p(er)den/ hoe(re)n cost gheve(n) [gelijc voirs(creven) es] Behoudelic dien soe wa(n)neer de voirs(creven) willem/ sijn b(er)nynge gelijc voirs(creven) [es] gehaelt wilt hebben of oec sijn mest/ aen sine(n) [voirs(creven)] wijng(ar)t gevuert [of oec aen dbloexken gewracht] dat hi hem [arnde] dat altoes iii dage te/ voe(re)n segge(n) en(de) condege(n) sal En(de) alle dese vorw(er)de(n) gelofte(n) en(de)/(con)ditien hebbe(n) geloeft (et)c(etera) Ende h(ier) af borge des voirs(creven) arnts/ als p(ri)ncipael sculd(er) is jan de wa waersege(re) van binsewijc/ Et p(ri)m(us) borch(oven) py(n)noc julii vi