Item want stoet en(de) tebat es [geweest] tusschen gerarde fransoys meye(r) van/ genepien in deen side en(de) desir amant porte(r) van loven(en) in dande(re) van seke(re)n/ mesdaden en(de) mishandelenge(n) dat de voirs(creven) meye(r) den voirs(creven) desir misdaen en/ mishandelt heeft Soe sijn beyde de voirs(creven) p(ar)tien comen voir scepen(en) van/ loven(en) en(de) sijn vande(n) voirs(creven) stote bleven in segge(re)n en(de) vrientlic yffene(re)n/ Te weten de voirs(creven) gerart in b(er)thelmeeuse lombart wonen(de) te nyvele/ en(de) henricke van tainginsart marscalc en(de) de voirs(creven) desir in ja(n)ne coulon/ knape der stat van lov(en) en(de) ja(n)ne del fosse in alsulker voeghen dat de/ voirs(creven) vier segge(re)n elker p(ar)tien bescheit aenhoe(re)n selen by(n)ne(n) iii daghe(n)/ naest comen(de) en(de) dat aengehoert selen sij hoe(re) seggen d(aer) af seggen [en(de) utene(n)] by/

sond(er) vertrec by(n)ne(n) den selve(n)drien dagen [d(aer) naest volgende] Ende es vorw(er)de waert dat/ enig(er) p(ar)tien hoe(r) segge(re)n gebrake dat sij dan de in die stat ande(re) segge(re)n/ mogen nemen en(de) kiesen die de selve macht hebbe(n) selen die deghene die/

in gebreke selen sijn hadden [sond(er) argelist] Ende hebbe(n) geloeft beyde de voirs(creven) p(ar)tien/ vast en(de) gestedich te houde(n) wes bide(n) voirs(creven) iiii segge(re)n vand(er) voirs(creven)/ saken geseeght en(de) ghet(er)mineert sal worde(n) op i band(uyn) van x crone(n)/ den h(er)toge van brab(ant) te bet(alen) py(n)noc ouder(ogge) jul(ii) xxiiii/ Item de voirs(creven) vier segg(er)s hebben eendrechtlic hoir seggen geseeght ind(er) manie(re)n/ hier nae volgen(de) te weten is dat van nu voirtaen beyde de voirs(creven) p(ar)tien goede ghevriende/ sijn selen en(de) voert dat de selve gheert den voirs(creven) desier betalen sal xxiiii arnems gulden/ by(n)nen vi weken naest comen(de) en(de) hem daer af ter stont goede vestich(eit) doen voirt es/ hoe(r) seggen dat de voirs(creven) gerard in deen side en(de) de voirs(creven) desier in dande(re) elc van hen betale(n)/ sal ter cost behoef ene(n) arnemschen gulden welc seggen elc vande(n) p(ar)tien geloeft hebbe(n) vast en(de) gestedich te houde(n) en(de) te vold(oen) cor(am) roel(ants) ouder(ogghe) jul(ii) xxiiii