Cont sij allen luden dat amelrijc pynnoc soen h(ere)n henrix wile(n) pynnocs/ ridders die ov(er)mids vo(n)nisse van scepen(en) brieven van loven(en) gegoedt en(de) gheerft/ is voir meye(r) en(de) scepen(en) van loven(en) int slot en(de) fortreche ter horst metten/ borchgrechten metten wuwe(re) achter tselve slot metten oyen wuwe(re) te gader/ metten nederhove met alle den husingen lande weyen en(de) savoire gelijc/ die wynne vander horst die lande en(de) weye op den dach van heden onder/ sijn ploech ende in sijnre hueringen houdende is en(de) des gelijx in viere bog(ar)de/ tot den selven slote ende hove behorende metten busschelken geheten die/ warande gelegen voir tvoirs(creven) hof met twe stucken wijngarts gelegen/ op den steenberch metter perssen en(de) steyne(n)huze met meer ande(re)n goeden/ inden scepen(en) brieven van loven(en) vander voirs(creven) goedingen gemaect begrepen/ en(de) vercleert Es comen in tsegewordicheiden der scepen(en) van loven(en) ende/ heeft geconsenteert georloft en(de) geloeft joffr(ouwe) lijsbetten weduwe lonijs/ wilen van bouchout sijnre moyen de punten hier na bescreven hue(r) leefdage/ lang due(re)nde Inden yrsten dat de voirs(creven) joffr(ouwe) lijsbeth sijn moye met
//
hoerre familien opt voirs(creven) slot ter horst sal moghen comen en(de) sijn/ also dicke en(de) also lange alst hoe(r) gelieft onbegrepen vanden voirs(creven)/ amelricke of van ymande te voete of te p(er)de allene of met yma(n)ne gemene/ sonder den voirscr(even) amelriken e(n)nigen cost daer af te hebben of te liden/ It(em) noch heeft de voirs(creven) amelrijc der voirs(creven) joffr(ouwe) lijsbette(n) sijnre moyen/ geconsenteert gewillecoert georloft en(de) geloeft dat sij hoe(r) gesynde/ en(de) wijngarders inde persse en(de) opt steynenhuys voirs(creven) verkeren selen/ moghen alst hoe(r) ende hen gelieft en(de) horen wijn inde persse perssen/ sonder e(n)nigen wijn of yet anders daer af te geven of e(n)nigen cost aen/ die husinge te leggen Ende heeft geloeft de voirs(creven) amelrijc der voirs(creven)/ joffr(ouwe) lijsbetten [vanden voirs(creven) stucken] altijt genouch te doen also dat hoe(r) also lange als/ sij leeft vaste en(de) zeker sijn moeghe borch(oven) pynnoc julii xxvii